ایران پارلامنتین‌ده «حجاب و عفت» قانون لاییحه‌سینین تصدیقین‌دن تأسف حسی کئچیریر و ناراحاتلیغیزی ایفاده ائدیریک.

Axar.az خبر وئریر کی، بونو بیرلشمیش میللتلر تشکیلاتینین اینسان حقوقلاری اوزره عالی کومیسارلیغینین سؤزچوسو راوینا شمدسانی دئییب.

او، بو رپرسیو و تحقیرآمیز قانونون لغوینی طلب ائدیب.

«بیز مجبوری حجاب قایدالارینا عمل ائتمه‌یه‌ن قیزلار اوچون حبس جزالارینی و آغیر جریمه‌لری داها دا آرتیران ایران پارلامنتینین «حجاب و عت» آدلی قانون لاییحه‌سینی تصدیق ائتمه‌سین‌دن درین تأسف حسی کئچیریریک. بو تشکیلاتین اینسان حاقلاری اوزره عالی کومیساری کیمی وولکر تورک قانون لاییحه‌سینین قدار و بین‌الخالق حقوقا ضد ساییر و اوندان ایمتینا ائدیلمه‌لی اولدوغونو اسرار ائدیر. قادین و قیزلارا ایکینجی درجه‌لی وطنداش کیمی مناسیبت گؤستریلمه‌مه‌لیدیر. تهران رسمیلری ایران خالقینین حقوقلارینا حرمتله یاناشماغا، اونو قوروماغا بورجلودورلار»،- شمدسانی قانون لاییحه‌سینین تحقیرآمیز ماهیتینه توخوناراق بیلدیریب.

قید ائدک کی، سنتیابرین ۲۰-ده ایران پارلامنتی مجبوری حجاب قایدالارینین تطبیقی ایله باغلی یئنی قانون لاییحه‌سینی تصدیق ائدیب. قانونا گؤره، حجاب قایدالارینا رعایت ائتمه‌یه‌ن قادینلارا قارشی جزالار سرتلشدیریلیب، داها آغیر حبس و جریمه جزالارینین تطبیقی نظرده توتولوب.