ایران عمان دنیزیده‌کی غربی جاسک بؤلگه‌سینده "آلتی میلیون لیتر قاچاقمال یاناجاق داشیماقدا" اتهام اولونان خارجی تانکر گمی‌سینین اله کئچیریلدیینی اعلان ائتدی.

Axar.az خبر وئریر کی، بو حاق‌دا هرمزگان ایالتینین باش حاکمی مجتبی قهرمانی بیلدیریب.

"بو خارجی تانکرین کاپیتانی و هئیتی ده داخیل اولماقلا ۱۸ تقصیرلندیریلن شخص استنطاق پروسسینی باشا چاتدیرماق و قانونی پروسئدورلارا عمل ائتمک اوچون موافق امر وئردیکدن سونرا نظارت آلتینا آلینیب"،- معلومات‌دا دئییلیر.

اونون سؤزلرینه گؤره، محاصره‌یه آلینان تانکر، مأمورلارین دایانیب امرینه محل قویماییب.

"ناویقاسییا سندلرینین، یاناجاق یوکو سندلرینین اولماماسی، رادارین سؤندورولمه‌سی و گمینین آوادانلیقلارینین قصداً محو ائدیلمه‌سی ده داخیل اولماقلا چوخسایلی قانون پوزونتولارینا یول وئریب"،- قهرمانی ادعا ائدیب.