ایرانین رگرسیو و رادیکال لیدرلری یاخین شرق‌ده صولح یولوندا پروبلم یاراتماق اوچون هئچ بیر جهددن ال چکمه‌یه‌جکلر. بو بال قابینا میلچک دوشمه‌سی کیمی‌دیر.

Axar.az خبر وئریر کی، بونو ایسرایلین باش ناظری بنیامین نتانیاهو بیرلشمیش میللتلر تشکیلاتینین باش آسامبلیاسین‌دا چیخیشی زامانی دئییب.

او، دونیا اؤلکه‌لرینی اسلام رسپوبلیکاسینین جینایتلرینه گؤز یومماسینا گؤره تنقید ائدیب.

«ایرانین اؤلکه داخیلین‌ده، بؤلگه‌ده و دونیادا بو عمللری بین‌الخالق اجتیماعیتین، ائلجه ده دونیا دؤولتلرینین لاقیدلییی نتیجه‌سی‌دیر. ایسرایل سعودییه عربیستانی و باشقا بؤلگه اؤلکه‌لری ایله مناسیبتلرینی نورماللاشدیرماغا چالیشیر. ایرانین بو پروسسین قارشی‌سینی آلماق اوچون زوراکی و داغیدیجی عمللره ال آتاجاغی استثنا ایسه ائدیلمیر. ایران بوتون دونیا اوچون لعنت‌دن باشقا بیر شئی دئییل. بو اؤلکه‌نین نووه سلاحینا صاحب اولماسینین قارشی‌سینی آلماق اوچون جدی حربی تهدیدلردن ایستیفاده ائتمک لازیمدیر».