تورکیه میللی مدافعه ناظری یاشار گولر و بؤیوک بریتانیانین مدافعه ناظری گرانت شاپس آراسیندا آنکارادا گؤروش باش توتوب.
Axar.az خبر وئریر کی، گؤروشده طرفلر آراسیندا تهلوکهسیزلیک و مدافعه ساحهسینده علاقهلرین درینلشدیریلمهسی پلانی امضالانیب.
امضالانان سنده گؤره، تورکیهنین بریتانیادان ۴۰ عدد "تایفون" طیارهسی آلماسی نظرده توتولور.
طرفلر همچینین مدافعه و تهلوکهسیزلیک مسئلهلرینی، ائلجه ده مدافعه صنایعسی ساحهسینده جاری امکداشلیغی مذاکره ائدیبلر.
بؤیوک بریتانییانین آنکاراداکی سفیرلییندن وئریلن آچیقلامایا گؤره، ایکی ناتو متفقی امکداشلیغی گوجلندیرمک بارهده راضیلیغا گلیبلر. بو مقصدله ناظیرلر مدافعه ساحهسینده امکداشلیغا دائر نیت بیاناتی امضالاییبلار.
سند آرالیق دنیزینده بیرگه تعلیملرین کئچیریلمهسی امکانلارینی، همچینین شمالی آفریکا و یاخین شرق اطرافیندا تهلوکهسیزلیین دستکلنمهسی امکانلارینین آراشدیریلماسینی نظرده توتور.