بیرلشمیش عرب امیرلیکلرینین پرئزیدئنتی شئیخ محمد بین زایئد النهیان آذربایجان رئسپوبلیکاسینین پرئزیدئنتی ایلهام علیئوه زنگ ائدیب.
Axar.az خبر وئریر کی، بو بارهده پرئزیدئنتین مطبوعات خیدمتی معلومات یاییب.
تئلئفون دانیشیغی زامانی دؤولت باشچیلاری اؤلکهلریمیز آراسیندا موناسیبتلری و گلهجک امکداشلیق پئرسپئکتیولرینی نظرده کئچیریبلر.
پرئزیدئنتلر آذربایجان ایله بیرلشمیش عرب امیرلیکلری آراسیندا مؤوجود امکداشلیق ساحهلرینه، خصوصیله اقتصادی اینکیشاف، برپاولونان ائنئرژی و اؤلکهلریمیزین داواملی اینکیشافی اوچون دیگر واجیب ایستیقامتلرده امکداشلیق ایمکانلارینا توخونوبلار.
پرئزیدئنت ایلهام علیئو و پرئزیدئنت شئیخ محمد بین زایئد الهیان قارشیلیقلی ماراق دوغوران رئگیونال و بئینلخالق مسئلهلر اطرافیندا فیکیر موبادیلهسی آپاریبلار.
تئلئفون دانیشیغی اسناسیندا بمت-نین ایقلیم دییشیکلیگی اوزره چرچیوه کونوئنسییاسینین طرفلر کونفرانسینین ۲۸-جی سئسسییاسی - جوپ۲۸ چرچیوهسینده دوبایدا تشکیل اولونان دونیا ایقلیم فعالیتی ساممیتینه توخونولوب.
دؤولتیمیزین باشچیسی بو ساممیتین اوغورلا کئچیریلمهسی موناسیبتیله بیرلشمیش عرب امیرلیکلرینین پرئزیدئنتینی تبریک ائدیب، بو تدبیرده ایشتیراک ائتمک اوچون دوبایا سفری زامانی شئیخ محمد بین زایئد النهیان ایله گؤروشونو ممنونلوقلا خاتیرلاییب و گؤستریلهن قوناقپرورلییه گؤره تشککورونو بیلدیریب. آذربایجان پرئزیدئنتی بو تدبیرین نتیجهلرینین قلوبال ایقلیم دییشیکلیینه قارشی موباریزهیه پراکتیکی و اهمیتلی تؤهفه وئرجیینه، همچینین دونیادا داواملی اینکیشافا خیدمت ائدجیینه اومیدوارلیغینی بیلدیریب.