ایرانین قم شهرینده «شیعه‌لر اوچون مقدس» اولدوغو ادعا ائدیلن جمکران مسجدینده قیرمیزی بایراق قالدیریلیب.

کرمانداکی چوخ‌سایلی انسان تلفاتینا و یارالانماسینا سبب اولان ترور آکتیندان سونرا ۳ گوندور قالدیریلان قیرمیزی بایراق «قصاصا چاغیریشدیر». ایران رسمیلرینین تراکت باش وئرن گون – ۳ یانواردا اعلان ائتدیکلرینه اویغون اولاراق، ایرانین بو قتل‌عاما جواب وئرجیی گؤزلنیلیر.

سون ایللر ایراندا قیرمیزی بایراغین قالدیریلماسی ایکینجی دفعه‌دیر باش وئریر. ایلک دفعه قاسم سلیمانینین ۳ یانوار ۲۰۲۰-جی ایلده باغداد آرودروموندان آویاضربه نتیجه‌سینده اؤلدورولمه‌سیندن سونرا قیرمیزی بایراق قالدیریلمیشدی. یاخین تاریخده ایلک دفعه «قصاص بایراغینین قالدیریلماسی» رژیمین افسانوی گنرال حساب ائتدیی قاسم سلیمانییه گؤره دهشتلی قصاص آلاجاغی حاقدا رای یاراتمیشدی.

آنجاق آرادان ۴ ایل واخت کئچندن سونرا معلوم اولدو کی، ایران یالنیز آمریکا-نین بیر نئچه بازاسینا پروکسی گروپلاری واسطه‌سیله اوغورسوز هجوملاردان او طرفه کئچه بیلمیر و یاخود بونا قادر دئییل: قصاص آلاجاغی حاقدا داخلی آودیتورییایا اینفورماسییا اؤتورن ایران رهبرلیی اصلینده قطعیتلی آددیم آتماقدان چوخ اوزاقدیر.

عینی پروسس بو گون آرتیق ۳ آیی تمام اولان حماس-اسرائیل ساواشی ایله باغلی ایرانین توتدوغو مؤقعیه ده عایددیر. ایران حماس-این ۷ اوکتیابر ۲۰۲۳-جو ایل هجومونو بیرمعنالی دستکلسه ده، فلسطین رادیکال گروپونا یاردیمی سیاسی بیاناتلاردان او یانا کئچمیر.

اصلینده ایرانین موقعیینی «بؤیوک دولتلره خاراکتریک» سایماق ممکون اولاردی – عادتا، بؤیوک دولتلر ده بیرباشا قارشیدورمادان چکینه‌رک، دیگر دولتلرین و گروپلارین الی ایله سیاسی-حربی آمبیسییالارینی حیاتا کئچیریر. آنجاق مسئله بوندادیر کی، اسرائیلده ساواش باشلایاندان درحال سونرا تل-اویوین استراتژی متفقی آمریکا «اوز‌ن اردوسونو» – طیاره‌داشییان گمیلرینی آنیندا بؤلگه‌یه گؤندردی و حاضردا بو اردو اسرائیله قارشی کنار مداخله‌لرین قارشی‌سینی آلماقلا مشغولدور. ان آزی، هر گون یمن حوثیلرینین آتدیغی راکتلرین آمریکا دونانماسی طرفیندن محو ائدیلدیینی مشاهده ائدیریک. اوسته‌لیک، رگیون سولارینی نظارت آلتینا آلان آمریکا دونانماسی حماس-آ ایسته‌نیلن حربی یاردیمین اؤنونده ان جدی باریئردیر.

آمریکا-نین بیرباشا حربی دستیینی قارشیلیق ایرانین هانسی رئال آددیمی مشاهده ائدیلیب؟ هئچ بیر!

اسرائیل ایسه نه‌اینکی ایرانین دستکلدیی گروپلارا، حتی ایرانین عراق و سوریادا «مصلحتچی-مشورتچی» کیمی یئرلشن حرب‌چیلرینه، یعنی ایرانا باغلی اولان دئییل، بیرباشا ایران اردوسونا عاید قوه‌لره آچیق شکلده ضربه ائندیرمه‌یه داوام ائدیر. ۳ آیلیق محاربه مدتینده اسرائیلین ایرانین اؤلکه‌دن کناردا یئرلشدیریلن سپاه گوجلرینه جدی ایتکیلر وئردیینی مشاهده ائتمک ممکوندور. ان سون بئله حادثه ایسه ۲۵ دکابر ۲۰۲۳-جو ایلده سوریادا سپاه-این قدس بریقاداسینین یوکسک رتبه‌لی ضابطی سید رضی موسوینین محو ائدیلمه‌سیدیر.

موسوی سیرادان گنرال دئییلدی – قاسم سلیمانینین سلاحداشی، ایران سیاسی-حربی آمبیسییالارینی اؤلکه سرحدلریندن کناردا حیاتا کئچیرنلردن (قاسم سلیمانی کیمی) ایدی. تصادفی دئییل کی، موسوی سوریادا یئرلشمیشدی و «ایرانین پروکسی گروپلاری» کیمی عمومیلشدیریلن قوه‌لری ده کووردیناسییا ائدیردی. عینی زماندا، سوریادا ایرانین حربی وارلیغینین ایفاده‌چیلریندن ساییلیردی.

اسرائیل-آمریکا اتفاقی ایرانین سرحدلرینی آشان آمبیسییالارینا قارشی ان سرت تدبیرلری هر زمان کونکرت شکلده گؤرور و بو قوه و شخصلری محو ائدیر. ایران ایسه هر دفعه قصاص وعد ائدیر – ۴ ایلدن سونرا ۴ یانواردا قمدا قالدیریلان «ایکینجی قیرمیزی بایراق» مثالی.

یئری گلمیشکن، «نیو یورک تایمز» علی خامنه‌اینین کرمان تراکتیندان سونرا آمریکایلا بیرباشا قارشیدورمادان قاچماغی، بو آزمیش کیمی، ایرانا باغلی پروکسی گروپلارین آمریکا-نین یاخین شرقده‌کی بازالارینا هجوملارینی محدودلاشدیرماغی تاپشیردیغینی یازیب. بئله چیخیر کی، ایران نه‌اینکی قصاص آلاجاق، عکسینه، سرحدلریندن کناردا باشقا قوه‌لرین الی ایله داوام ائتدیردیی حربی فعالیتینی ده محدودلاشدیراجاق.

اونا گؤره ده قمدا قالدیریلان قیرمیزی بایراغین یالنیز اؤلکه داخلینه بیر تسلی مساژی کیمی قبول ائتمک ممکوندور.