جنوبی کورئیانین بیرینجی خانیمی کیم کونگ هنین دکابرین اورتالاریندان اجتماعیت آراسیندا گؤرونمه‌مه‌سی شایعه‌لره سبب اولوب.

Axar.az خبر وئریر کی، بو باره‌ده یئرلی منبع‌لر معلومات یاییلیب.

معلوماتا گؤره، ۵۱ یاشلی کیم سونونجو دفعه ۲۰۲۳-جو ایلین دکابریندا حیات یولداشی، پرزیدنت یون سوک-یول ایله نیدرلانددان قاییتدیقدان سونرا اجتماعیت قارشی‌سیندا گؤرونوب.

اؤلکه‌ده حیات یولداشیندان داها چوخ دقت چکه‌ن بیرینجی خانیمین اورتالیقدا گؤرونمه‌مه‌سی ژورنالیستلرده بؤیوک تعجب دوغوروب.

اونون بؤیوک نفوذا مالک اولدوغونو دئیه‌ن مدیا منصوبلاری قید ائدیر کی، خانیم کیم ایت اتینین استهلاکینا قارشی سرت چیخیش ائتدیکدن سونرا حاکم بلوک تئز بیر زماندا ایت اتینین ساتیشینی ۲۰۲۷-جی ایلدن اعتباراً قاداغان ائد‌ن قانون لایحه‌سینی قبول ائدیب.

بعضی اکسپرتلر بئله بیر نفوذا مالک اولان بیرینجی خانیمین حاضردا گؤزدن ایتمه‌سینی سئچکیلرله باغلی اولدوغونو احتمال ائدیب:

«جنوبی کورئیانین بیرینجی خانیمینین طالع‌یی ایله باغلی ناراحات اولماغا دیمز. او، یقین کی، آپرلده کئچیریله‌جک پارلامنت سئچکیلری عرفه‌سینده تمامیله یئرسیز اولان بیر سیرا سس-کویلو قالماقاللارا گؤره اجتماعیتدن گیزلدیلیب. بئله کی، جنوبی کورئیا پرزیدنت آدمینیستراسییاسینین ۲۰۲۳-جو ایلین سونوندان بری باش وئرن «دیور» چانتا قالماقالیندان سونرا آرتان منفی احوال-روحیه‌نی یومشالتماق اوچون کیمی قصداً اجتماعیتدن گیزله‌ده بیلرلر»،- فرضیه‌لرده وورغولانیر.

قید ائدک کی، گیزلی کامرا گؤرونتولرینده بیرینجی خانیمین «کریستیان دیور» مودا ائویندن باهالی چانتا هدیه آلماسی اوزه چیخمیشدی.