آنا صحیفه پلانت |
«کروکوس سیتی هال» کونسرت زالیندا باش وئرن ترور آکتینا آوروپا شوراسی رهبرلیینین رئاکسییا وئرمهمهسی قوروم اوچون بیآبیرچیلیقدیر.
Axar.az خبر وئریر کی، بونو روسییا خارجی ایشلر ناظیرلینین رسمی نمایندهسی مارییا زاخارووا دئییب.
«بو، بوش یئره اؤزونو «آوروپانین وجدانی» آدلاندیرماغا چالیشان، آوروپا قیطهسینده انسان حقوقلارینین اساس مدافعهچیسی اولماغا جهد ائدن بیر تشکیلاتین تاریخینین نوبتی بیآبیرچیلیق صحیفهسیدیر. استراسبورگدان بئله بیر خط سیاسی ایکیاوزلولوک و ایکیلی استاندارتلارا غرق اولموش بوگونکو آوروپا شوراسینین درین دئقراداسییاسینی بیر داها تصدیقلهییر»، - او بیلدیریب.
دیپلومات وورغولاییب کی، روسییا ایکی ایلدن آرتیقدیر کی، اؤز تشببوثو ایله یوللارینی آییردیغی آوروپا شوراسیندان کمک طلب ائتمیر:
«ملکی اهالییه قارشی وحشیجهسینه هجوما جاواب وئریلمهمهسی آوروپا شوراسینین بینالخالق ثابتلییه، تروریزمه، ائکسترمیزمه قارشی مبارزهیه و انسان حقوقلارینین قورونماسینا تهفه وئره بیلهجیی ایله باغلی سواللار دوغورور».
تاریخ
2024.03.29 / 13:33
|
مولف
زینب اکبر
|