آنا صحیفه کولت |
بو گون گؤرکملی یازیچی میر جلال پاشایئوین آنادان اولماسیندان ۱۱۶ ایل اؤتور.
Kult.az خبر وئریر کی، میر جلال علی اوغلو پاشایئو ۱۹۰۸-جی ایل آپرئلین ۲۶-دا جنوبی آذربایجانین اردبیل ویلایتینده یوخسول کندلی عائلهسینده دونیایا گؤز آچیب.
کیچیک یاشلاریندا آتاسی گنجهیه کؤچدویوندن اوشاقلیغینی بورادا کئچیریب. میر جلال ۱۰ یاشیندا اولاندا آتاسی وفات ائدیب و او، بؤیوک قارداشینین حمایهسینده یاشاییب.
او، ۱۹۱۸–۱۹۱۹-جو ایللرده خیرییه جمعیتینین کمکی ایله ابتدایی تحصیل آلیب و آذربایجاندا سووئت حاکمیتی قورولدوقدان سونرا گنجه دارولمعللیملیینه داخیل اولوب.
میر جلال پاشایئو کازان شرق پداگوژی انستیتوتونون ادبیات شعبهسینده، تحصیلینی داوام ائتدیریب.
آذربایجان دولت اونیورسیتئتینین (ایندیکی باکی دولت اونیورسیتتی) سئویملی معلمی، نفوذلو پروفسورو کیمی خاطرهلرده دایم یاشایان میر جلال پاشایئو حقیقت، دوزلوک، صمیمیت آشیقی، عائلهسینی، اولادلارینی سئوهن، قورویان شخصیت اولوب. اونون بو کلامی ایندی ده دیللر ازبریدیر: «حیاتیمدا یاراتدیغیم ان بؤیوک اثر عائلهمدیر».
۲۰-جی عصرین ۲۰-۳۰-جو ایللرینده ادبی عالمده اولجه شعیر، سونرا ایسه اوچرک و حکایهلری ایله گؤرونن میر جلال، آز سونرا استعدادلی و اورژینال یارادیجیلیق اوصلوبو اولان یازیچی کیمی تانینیب.
تکجه «بیر گنجین مانیفستی» اثرینه گؤره میر جلال کلاسیک صنعتکارلار سیراسیندا دایانماق حاقینی قازانیب. بو اثر چاپدان چیخاندا اونون هئچ ۳۰ یاشی یوخ ایدی. ۱۹۲۸-جی ایلده مطبوعاتدا ایلک شعیرلری («دنیزین جنایتی»، «آنانین وصیعتی»، «مخبیر») چاپ اولونوب. لاکین او، بوندان سونرا، داها دوغروسو، ۱۹۳۰–جو ایلدهن اعتباراً حکایهلر یازیب.
یازیچینین ایلک ایری هجملی اثری - «دیریلن آدام» رومانی ۱۹۳۵-جی ایلده آیریجا کیتاب کیمی نشر اولونوب.
میر جلالین «دیریلهن آدام»، «یولوموز هایانادیر» رومانلاریندا کئچمیش، «آچیق کیتاب»، «یاشیدلاریم»، «تزه شهر» رومانلاریندا ایسه معاصر حیات لوحهلرینین بدیعی تصویری اوستالیقلا قلمه آلینیب. یازیچینین «انسانلیق فلسفهسی» (۱۹۶۱) کیتابیندا توپلانمیش حکایهلری بؤیوک تربیهوی-اخلاقی اهمیته مالیکدیر.
ادبیاتشناس عالیمین تانینمیش تدقیقاتچی فرودین حسیناوو ایله بیرگه یازدیغی «XX عصر آذربایجان ادبیاتی» اثری ۴۰ ایله یاخیندیر کی، عالی مکتبلرده درسلیک کیمی استفاده اولونور.
۱۹۷۸-جی ایل سنتیابرین ۲۸-ده ابدیته قوووشموش، بؤیوک شخصیت کیمی تاریخلهشمیش، گؤزل معلم، گؤرکملی یازیچی، استعدادلی ادبیاتشناس میر جلال پاشایئوین خاطرهسی دایم قلبلرده یاشایاجاق، ادبیاتیمیزین، ادبیاتشناسلیغیمیزین ابدی موضوعسو اولاراق قالاجاق.
تاریخ
2024.04.26 / 17:49
|
مولف
سوزاننا ایسماییلووا
|