آنا صحیفه کولت |
بو گون اولان خالق آرتیستی عاریف قولیئو اؤلومونون ۳ ایلی تمام اولور.
Kult.az بو مناسیبتله تانینمیش آکتیور حاقیندا ماراقلی فاکتلاری تقدیم ائدیر:
مشهور تئاتر و کینو آکتیورو، خالق آرتیستی عاریف قولیئو ۱۹۵۰-جی ایل مایین ۱۶-دا ایندیکی شیروان شهرینده آنادان اولوب.
اینترنات مکتبینده بؤیویهن عاریف قولیئو آتیلماسینا باخمایاراق، والیدینلرینی قیناماییب. ایللرله اونلارین حسرتینی چکسه ده، دونیایا گتیردیکلری اوچون اونلارا میننتدار اولدوغونو دئییب.
۱۹۶۵-۱۹۶۸-جی ایللرده باکی مدنی-معاریف تکنیکومونون درام و کینو آکتیورلوغو فاکولتهسینده، ۱۹۷۳-۱۹۷۵-جی ایللرده آذربایجان دولت اینجهصنعت اینستیتوتونون موسیقیلی کمدییا آکتیورلوغو فاکولتهسینده تحصیل آلیب.
عاریف قولیئو ۱۹۷۵-جی ایلده موسیقیلی کمدییا تئاترینا دعوت ائدیلیب. تئاتر کولکتیوی اونا قیز آختارماغا باشلاییب. تانیدیقلاری قیزین عائلهسینه ائلچی گئدیبلر و کولکتیوین ییغدیغی پوللا قیزا نیشان اوزویو ده آلیبلار.
بو عرفهده عاریف حربی خدمته یوللانیب، قاییداندا نیشانلیسینین باشقا بیرینی سئودیینی ائشیدیب و آیریلیب. داها سونرا باشقا بیر قیزی سئویب، اونا باغلانیب. قیزا ائلچی گئدیب، آناسینا قیزینی ایستدیینی و فکرینین جدی اولدوغونو دئییب. قیزین آناسی ایسه آرتیسته قیز وئرمیجیینی بیلدیریب. لاکین عاریف قولیئو آکتیور کیمی مشهورلاشاندان سونرا همین قادین قیزینی اونا وئرمک ایستدیینی بیلدیرسه ده، بو دفعه عاریف اونا «یوخ» جوابی وئریب.
۱۹۷۷-جی ایلده او، گولزار آدلی خانیملا عائله قوروب. بو ائولیلیکدن اونلارین ۲ اوغلو، ۱ قیزی دونیایا گلیب.
توی عرفهسینده بیر قادین عاریفه یاخینلاشاراق، اونون آناسی اولدوغونو دئییب. عاریف هئچ نیی آراشدیرمادان، اونو آناسی کیمی قبول ائدیب، اونسیت قوروب، حتی تویونا دا دعوت ائدیب.
داها سونرا ایسه ۱۹ قادین اؤزونو عاریفین آناسی کیمی تقدیم ائدیب. عاریف اونلارین هئچ بیرینین خطرینه دیمهییب، هامیسینی آناسی کیمی قبول ائدیب.
باکو تی.وی-ده یاییملانان «رترو باکو» وئریلیشینین نوبتی بوراخیلیشی خالق آرتیستی، آکتیور عاریف قولیئوه حصر اولونوب.
اطرافلی سوژئتده:
تاریخ
2024.05.07 / 16:24
|
مولف
اسماعیلووا سوزاننا
|