بو گون شاعر، آذربایجان یازیچیلار بیرلیینین عضوو ، ترجمه‌چی، اجتماعی خادیم انور علی‌بیلی‌نین آنیم گونودور.

Kult.az بیلدیریر کی، او، ۱۹۱۶-جی ایل آپرل آیینین ۱-ده باکی‌دا آنادان اولوب.

اول طب تکنیکومون‌دا ، سونرا آذربایجان دیللر اونیورسیتتین‌ده، داها سونرا آذربایجان پداگوژی اینستوتون ادبیات فاکولته‌سین‌ده تحصیل آلیب.

۱۹۳۶-جی ایلده کیچیک یاش‌لی اوشاقلار اوچون شعیرلر یازیب، دوری مطبوعاتدا چاپ ائتدیریب.

۱۹۳۸-جی ایلده‌ن ایکینجی دونیا محاربه‌سی باشلایانا قدر آذربایجان رادیوسوندا چالیشیب. تیفلیس‌ده توپچولار حربی مکتبینی بیتیریب، ظابط روتبه‌سی ایله کؤنوللو اولاراق اؤن جبهه‌یه گئدیب. ۲-جی دونیا محاربه‌سینین ایلک گونلریندن اوردو سیرالاریندا اولان علی‌بی‌لی آرتیلرییا کوماندیری اولوب، مشهور ۴۱۶-جی تاقانروق آتیجی دیویزییاسیندا آغیر دؤیوش یولو کئچیب، قفقاز و اوکراینانین آزاد اولونماسیندا فعال اشتراک ائدیب. ۱۹۴۴-جو ایلده آغیر یارالاندیقدان سونرا یازیچی-ژورنالیست کیمی دؤیوشده اشتراکینی داوام ائدیب.

۲۰-جی عصرین ۴۰-جی ایللرینین سونلارین‌دا «انقلاب و مدنیت»، «تبلیغات‌چی» ژورناللارینین مسئول کاتیبی اولوب، ۱۹۴۸-۱۹۵۲-جی ایللرده آذربایجان یازیچیلار اتفاقینین اورگانی اولان «ادبیات قزئتی»نین رداکتورو، ۱۹۵۲-جی ایلده‌ن عمرونون سونونادک دولت رادیو و تلویزییا وئریلیشلری کمیته‌سینین صدری وظیفه‌لرینده چالیشیب.

سووئت یازیچیلار اتفاقینین عضوو اولان انور علی‌بیلی‌نین شعیر و پویمالاری روس و کئچمیش اس.اس.ار.ای خالقلارینین دیللرینه ترجمه ائدیلیب.

اونون «قارانقوش» آدلی ایلک شعیرلر کیتابی ۱۹۴۷-جی ایلده ایشیق اوزو گؤروب.

علی‌بی‌لی هم ده بیر نئچه پویمانین مؤلفی‌دیر. «سامور داستانی» پویماسی، «باجی»، «گؤزلر، اورکلر، عمللر» پویمالاری، دنیز نفت‌چیلرینین شجاعتینی ترنم ائد‌ن «دالغالار آراسیندا»، «پولاد»، «دوستلوق کؤرپوسو» و باشقا پویمالار بونا نمونه اولا بیلر.

اوشاق ادبیاتیندا دا انور علی‌بیلی‌نین اؤز یئری وار. «قورد ناغیلی»، «ایلان و قورباغا»، «بالاجا باغبانلار» آدلی شعیر و تمثیللری ایندی ده مکتب درس‌لیکلرین‌ده یئر آلماق‌دادیر.

انور علی‌بی‌لی بیر سیرا شعیرلرینه موسیقی بسته‌لنیب. س. روستموو، ج. جهانگیروو، ر . حاجییئو، و. آدیگؤزلوو و دیگر دیرلی بسته‌کارلار شاعرین شعیرلرینه «آذربایجان»، «گلمدین»، «ایلک محبت»، «لیریک ماهنی»، «گل-گل»، «خزریم»، «قشنگ قیزلار»، «نارینج» و باشقا ماهنیلار یازیبلار.

اونون «آذربایجان شعیرینه بستکار رائوف حاجییئوین بسته‌لدیی ماهنی ایسه دیللر ازبریدیر. ماهنی گؤرکهلی موغه‌ننی، خالق آرتیستی رشید بهبودووون ایفاسیندا بیر چوخ اؤلکه‌لرده سسلنیب.

انور علی‌بی‌لی ۱۹۶۸-جی ایلده مای آیینین ۷-ده باکی‌دا حیاتینین، یارادیجیلیغینین یوکسه‌له‌ن بیر واختین‌دا دونیادان کؤچوب. مزاری فخری خیاباندادیر.