غرب جنوبی قافقازدا وضعیتین ثابیتلشمه‌سی ایله باغلی راضیلاشمالاری پوزماغا چالیشیر.

Axar.az خبر وئریر کی، بو باره‌ده روسیانین خارجی ایشلر ناظری سرگئی لاوروو مستقل دولتلر بیرلیی خارجی ایشلر ناظرلری شوراسینین مینسک‌ده کئچیریلن اجلاسینین یئکونلارینا حصر اولونان مطبوعات کنفرانسین‌دا دئییب.

"آمریکا و ال‌آلتیلاری جنوبی قافقازدا وضعیتین ثابیتلشمه‌سی ایله باغلی راضیلاشمالاری پوزماغا چالیشیر، روسیانین واسطه‌چی‌لیگی ایله ارمنستان و آذربایجان آراسیندا الده ائدیلمیش راضیلاشمالارین رئاللاشدیریلماسینی ایسته‌میرلر"، - لاوروو بیلدیریب.

لاوروون سؤزلرینه گؤره، غرب همچینین، آکتیو شکیلده مرکزی آسییایا داخیل اولماغا چالیشیر:

"اونلار آچیق-آشکار روسیا فدراسیاسینی هدفله‌ین مختلف فورماتلار یارادیر. استراتژی پلاندا غربین خطی اوغورسوزلوغا محکوم‌دور".