ارمنیستانلا آذربایجان آراسیندا سرحد پروبلمینین حلی جنوبی قفقازدا ثابیتلیین و صلحون برقرار اولماسی اوچون لازیمدیر.

Axar.az خبر وئریر کی، بونو ایران خاریجی ایشلر ناظیرلیینین سؤزچوسو ناصر کنعانی دئییب.

«بیز آذربایجان و ارمنیستان آراسیندا بیرگه دمارکاسییا کمیسییاسینین اجلاسین‌دا الده اولونموش راضیلاشمالارا حرمتله یاناشیریق. جنوبی قفقازدا صلح و ثابیتلیین برقرار اولماسی اوچون ایکی اؤلکه‌نین بیر-بیرینین سوورنلیینه و اراضی بوتؤولویونه قارشی‌لیقلی حرمت ائد‌رک سرحد مسئله‌لرینین حلی ایستیقامتینده دینج سعیلری داوام ائتدیرمه‌سی ضروری‌دیر»، - کنعانی بیلدیریب.

قید ائدک کی، ۱۹ آپرل‌ده آذربایجانلا ارمنیستان آراسیندا قازاخین اشغال‌دا اولان ۷ کندیندن آنکلاو اولمایان ۴ کندینین قایتاریلماسی باره‌ده راضیلاشماسی روسییا، ترکییه ده داخل اولماقلا، آمریکا و آوروپا بیرلییینین اکثر اؤلکه‌لری آلقیشلاییب. ایران ایسه یالنیز ایندی مناسیبت بیلدیریر، هم ده خاریجی ایشلر ناظیرلییینین سؤزچوسو سوییه‌سینده و «آلقیشلامیر»، «حرمت ائدیر»...