بیر نئچه گون اؤنجه ایران آسایشین قورونماسی قوه‌لری سؤزچوسو گنرال سید منتظرالمهدی پلیس‌ین متشکیل و شبکه جینایتلرینین مختلیف فورمالاری ایله مباریزه‌ده الده ائتدیی نتیجه‌لر باره‌ده بریفینگ کئچیریب.

Axar.az خبر وئریر کی، بریفینقگ زامانی او، بو قورومون اخلاقسیزلیق و فاحشه‌لیک شبکه‌لری، قادینلارین رقص یاریشماسی آدی آلتیندا سکسوال خدمت مقصدی ایله خاریجه آپاریلماسی، پورنو مدلر دسته‌سی و آزیاشلی قیزلارین اروتیک ویدئولارینین جانلی یاییملانماسی ایله باغلی سون آیلاردا کئچیردیی عملیاتلارین تفرعاتینی آچیقلاییب.

بو کونتکست‌ده آیری-آیری اپیزودلار باره‌ده اطرافلی معلومات وئره‌ن گنرال بیلدیریب کی، «اسکورت خدمتی» آدی ایله تانینان بیر جنایت ایشینده اویغون قیزلارین سئچیلیب جلب اولونماسی و سونرادان اینتیم خیدمتلر اوچون قاچاق یوللا اؤلکه خاریجینه آپاریلماسی ایله مشغول اولان اخلاقسیزلیق بانداسی معین‌لشدیریله‌رک سیرادان چیخاریلیب:

«بو ایش اوزره بیرینجی مرحله‌ده ۲۴ نفر، ایکینجی مرحله‌ده ۵۷ نفر حبس اولونوب، اوچونجو مرحله‌ده ده خیلی آدام معین ائدیلیب و اونلار باره‌ده آراشدیرما آپاریلیر».