آنا صحیفه پلانت |
کانادا اجماعلار پالاتاسی حکومتدن اسلام انقیلابی کئشیکچیلری کورپوسونون (سپاه) آدینین اؤلکهدهکی ترور تشکیلاتلارینین رسمی سیاهیسینا علاوه ائدیلمهسینین ایستهنیلدیی غییری-مجبوری لاییحهنی یکدیللیکله تصدیقلهییب.
Axar.az خبر وئریر کی، بو بارهده بینالخالق مئدیا معلومات یاییب.
کانادا اجماعلار پالاتاسینین ۳۲۷ عضوونون هامسی بو لاییحهنین لهینه سس وئریب.
لاکین بو دفعه کانادانین مخالفت پارتییالاری حاکم لیبرال دموکرات پارتییاسینین لیدری جاستین ترودو حکومتینین ایرلییه دوغرو آددیم آتاجاغینا و سپاه-ی کانادانین ترور گروپلاری سیاهیسینا سالاجاغینا شبهه ایله یاناشیرلار.
کانادا پارلامنتی ۶ ایل اول اوخشار لاییحه تصدیقلهسه ده، بو قطعنامه هئچ واخت حیاتا کئچیریلمهییب.
کئچن ایل کانادا پارلامنتی نوبتی دفعه انقیلاب کئشیکچیلری کورپوسونون آدینی ترورچو گروپلاری سیاهیسینا سالماغا چالیشسا دا، بو، لاییحهده تصدیقلهنمهییب.
قید ائدک کی، ایران اصیللی بیر چوخ کانادالی دا عمومخالق اعتراضلارینین زورلا یاتیریلماسیندا و ایران وطنداشلارینین اؤلدورولمهسینده انقیلاب کئشیکچیلری کورپوسونون رولونا گؤره پارلامنت و کانادا حکومتیندن انقیلاب کئشیکچیلری کورپوسونون ترور گروپلاشمالاری سیاهیسینا داخیل ائدیلمهسینی ایستهییب.
تاریخ
2024.05.09 / 10:55
|
مولف
جاویدان
|