باش ناظیر بنیامین نتانیاهو ایونون ۸-دک غزه زولاغیندا محاربه‌دن سونراکی نظاملانما پلانینی تقدیم ائتمه‌سه، استعفا وئرجه‌یه‌م.

Axar.az خبر وئریر کی، بو سؤزلری اسرائیل حربی کابینتین عضوو بنی گانتز مطبوعات کنفرانسیندا دئییب.

گانتز اسرائیلین تالیوکلو استراتژی کسیشمه‌ده اولدوغونو بیلدیریب و جسارتلی قرارلار وئرمه‌یه چاغیریب:

«بیزیم چیین-چیینه دؤیوشمه‌یه داوام ائتمییمیز اوچون حربی کابینت ایونون ۸-دک ملی اهمیت کسب ائد‌ن آلتی استراتژی هدفین حیاتا کئچیریلمه‌سینه گتیریب چیخاراجاق آکتیو فعالیت پلانی حاضرلامالی‌دیر».

گانتز شرطلرینی آشاغیداکی کیمی سادالاییب: ۱. غزه‌ده‌کی اسیرلرین قایتاریلماسی؛ ۲. حماس-این حربی و سیاسی استروکتورونون محو ائدیلمه‌سی، غزه زولاغینین دمیلیتاریزاسییاسی و آنکلاودا تهلوکه‌سیزلییه اسرائیلین نظارتینین تامین ائدیلمه‌سی؛ ۳. حماس و فتح-این اشتراکی اولمادان، فلسطینلیلرین، عرب اؤلکه‌لرینین، آوروپا و آمریکا نماینده‌لرینین اشتراکی ایله غزه زولاغیندا بیرگه اداره‌ائتمه استروکتورونون یارادیلماسی؛ ۴. سنتیابرین ۱-دک اسرائیلین شمال و جنوب سرحد بؤلگه‌لری ساکنلرینین ائولرینه قاییتماسی؛ ۵. اسرائیلین سعودیه عربیستانی و دیگر عرب اؤلکه‌لری ایله دیپلماتیک علاقه‌لرینین نرماللاشماسینا یاردیم ائتمک؛ ۶. اسرائیل اردوسونون سیرالارینا اهالینین بوتون کاتگورییالاری، او جمله‌دن اولترا-پراووسلاولارین چاغیریشینین گئنیشلندیریلمه‌سی.

«باش ناظیر نتانیاهو، ایندی گؤزلرینیزین ایچینه باخیرام و دئییرم: سیزینله دفعه‌لرله دانیشدیقدان سونرا حقیقتی سؤیلمیین واختی، قرار آنی گلدی. اگر سیز اکسترمیستلرین یولو ایله گئتمه‌یه و بوتون خالقی اوچوروما آپارماغا قرار وئرسه‌نیز، بیز سیزین حکومتینیزی ترک ائتمه‌لی اولاجاغیق، خالقین اعتمادینی قازاناجاق، گئنیش خالق بیرلیینه آرخالاناجاق بیر حکومت یاراتماق اوچون خالقا مراجعت ائدجییک. وضعیتی دوزلدین و غلبه قازانین»، - او علاوه ائدیب.