روسیا نووه سلاحی داشییا بیله‌ن دؤیوش طیاره‌لرینین هوایا قالخاجاغی ناتو هوا بازالارینی محو ائده بیلر.

Axar.az خبر وئریر کی، بونو پنتاگونون کئچمیش مشاوری پولکوونیک دوگلاس ماکگرگور غرب قوشونلارینین اوکراینایا گؤندریلجیی حال‌دا یاراناجاق وضعیتی شرح ائدرکه‌ن دئییب.

«روسلار بیزه خبردارلیق ائتدیلر: «اگر اراضیمیزه هجوم ائتسه‌نیز، جواب وئرمک حقوقوموز وار». کونکرت اولاراق، بیز اف-۱۵-ا چوخ گووه‌نیریک. بو، اعلا ماشیندیر، بؤیوک بمباردمانچی‌دیر و روسلار اونون نووه سلاحی داشییا بیلجیینی بیلیرلر. اوکرایناداکی قوشونلاریمیزی دستکله‌مک اوچون چوخلو سایدا طیاره‌دن استفاده ائتمه‌لی اولاجاغیق. اگر روسلار بو اف-۱۵-لرین اونلارا دوغرو اوچدوغونو گؤرسه‌لر، یقین کی، بوتون آیرودروملاریمیزی وورمالی اولاجاقلار»، - او بیلدیریب.

ماکگرگورون فکرینجه، آمریکا-نین تجاوزو حالیندا روسیا آمریکا حربی هوا قوه‌لرینین آوروپاداکی آویابازالارینی تاکتیکی نووه باشلیقلاری ایله محو ائتمه‌یه مجبور اولاجاق.