سورییاداکی ترورچو گروپلاشما سئچکیلر کئچیرمک نیتینده دئییل. اورتادا سئچکی دئییلن بیر شئی یوخدور. اولجه بونو قید ائدک. بؤلگه‌ده ترور تشکیلاتینی قانونی‌لشدیرمک و ترور تشکیلاتی قورماق اوچون حاضیرلانمیش بیر اویون وار.

Axar.az خبر وئریر کی، بونو تورکییه پرزیدنتی رجب طیب اردوغان ژورنالیستلره آچیقلاماسیندا دئییب.

«بیز اوولکی پروسئسلرده بئله اویونلارین محو ائدیلمه‌سینده نه قدر ماهیر اولدوغوموزو آچیق شکیلده گؤسترمیشیک. طبیعی کی، سورییا رهبرلیگی ترورچولارا بو مقامدا بیر آددیم آتماق و یا سربست حرکت ائتمک ایجازه‌سی وئرمه‌یه‌جک. تورکییه خاریجی ایشلر ناظری هاکان فیدان بیر نئچه گون اول موسکوادا ایدی. موسکوادا جناب پوتینله بو مسئله‌لری اطرافلی شکیلده مذاکیره ائدیبلر. بون‌دان باشقا، فیدانین روسییانین خاریجی ایشلر ناظری جناب لاوروولا دا گؤروشلری اولوب. انشاللاه پ.ک.ک ترور تشکیلاتی و دیگرلری‌نین سورییادا سربست حرکت ائتمک ایمکانی اولمایاجاق. اگر بئله بیر وضعیت یارانارسا، لازیمی تدبیرلری گؤرمه‌یه حاضیریق. بیز بورنوموزون دیبینده «تروریستان»ین قورولماسینا ایجازه وئرمه‌ریک»، - اردوغان بیلدیریب.