آنا صحیفه پلانت |
اوکرایناداکی محاربهیه گؤره دونیا اصل فلاکته یاخینلاشیر و بو، ۳-۴ آیا باشلایا بیلر.
Axar.az خبر وئریر کی، بو سؤزلری سربییا پرزیدنتی آلکساندر ووچیچ ایسوچرهنین « Weltwoche» قزئتینه مصاحیبهسینده بیلدیریب.
«من اوچونجو دونیا محاربهسیندن یوخ، جدی قارشیدورمادان دانیشیرام... اینانیرام کی، بیز بوندان چوخ دا اوزاقدا دئییلیک. یعنی ۳-۴ آیدان چوخ دئییل. و بونون داها تئز باش وئرمهسی ریسکی وار»، - او بیلدیریب.
ووچیچین سؤزلرینه گؤره، قطار گئتدی و هئچ کیم اونو دایاندیرا بیلمز:
«اگر بؤیوک دولتلر هئچ نه ائتمهسه، اوکراینادا باش وئرهجک هر شئیین سونو قارانلیق اولاجاق. بلی، تام امینم کی، قیسا مدتده بیزی اصل فلاکت گؤزلییر. سبب اودور کی، هئچ کیم صلحه نایل اولماغا چالیشمیر».
اونون فیکرینجه، غرب اوکراینادا اودوزماغا تاب گتیره بیلمز، آمرذیکا و ناتو اوچون بو، گئوسییاسی وضعیتلرینین پیسلشمهسی دئمکدیر:
«همچینین پوتین محاربهنی اودوزسا، هر شئیینی ایتیرهجک. هر ایکی طرف کارتا هر شئیینی قویوب. هئچ کس مغلوبیتی اؤزونه روا گؤرمور. بونا گؤره ده من آچیق شکیلده بیان ائتدیم کی، بیز اصل فلاکته یاخینلاشیریق».
او علاوه ائدیب کی، بونون قارشیسینی آلماق اوچون هئچ بیر یول گؤرمور:
«بو گون من نفت، شکر، دوز – هر شئی، بوتون احتیاطلاریمیزلا باغلی معلوماتلاری یوخلادیم، چونکی گلجیین هامیمیزا نه گتیرجیینی بیلمیرم».
ووچیچ اونو دا بیلدیریب کی، غربده اینسانلار پوتینی قیمتلندیرمیی باجارمیر.
تاریخ
2024.06.19 / 10:00
|
مولف
Axar.az
|