یوخاری

فرانسادا لی پن، آمریکادا ترامپ گلرسه…

آنا صحیفه پلانت
12 Punto 14 Punto 16 Punto 18 Punto

اوکراینایا اساس دستک وئرن دولتلردن بیری بؤیوک بریتانییادیر. بو اؤلکه‌نین باش ناظری ریشی سوناک بیر مدت اول کیئوه سفر ائد‌رک اوکراینا ایله تهلوکه‌سیزلیک ساحه‌سین‌ده ایستراتژی سازش امضالادی. داها سونرا دیگر اؤلکه‌لر ده اوکراینا ایله اوخشار سازیشه امضا آتدیلار.

Axar.az خبر وئریر کی، بو باره‌ده «اطلس» آراشدیرمالار مرکزی قئید ائدیب.

آنالیزده وورغولانیب کی، ریشی سوناک کئچمیش باش ناظر دیوید کامرونو خاریجی ایشلر ناظری تعیین ائتدیکدن سونرا لوندونون خاریجی سیاستینده فعال‌لیق آرتیب:

«دیوید کامرون اؤلکه‌سینین ایکی طرفداشی اولان آمریکا و فرانساداکی ممکن دییشیک‌لیکلره حاضر اولمانین واجیب‌لییی قناعتین‌ده‌دیر. آمریکادا دونالد ترامپین، فرانسادا ایسه لپن‌ین پرزیدنت سئچیلجیی تقدیرده لوندون سیاستینی یئنی رئال‌لیقلارا اویغونلاشدیرماق مجبوریتینده قالاجاق. کامرونون موقعی بئله‌دیر کی، آمریکا و فرانسادا حاکمیته کیم گلیرسه گلسین، لوندون واشینگتن و پاریسله طرفداشلیغینی داوام ائتدیرمه‌لیدیر. قزادا بمباردمانلار داوام ائدرکن بؤیوک بریتانییانین اسرائیله سلاح ساتیشی کامرونو ناراحات ائتمیر. چونکی اسرائیل اونا لازیم اولان سلاحلارین یوزده بیرینی بؤیوک بریتانییادان آلیر. اسرائیل سلاح و حربی تکنیکایا اولان طلباتینین بؤیوک حیطه‌سینی آمریکادان الده ائدیر.

کامرون اؤلکه‌سی اوچون ایکی استقامت‌دن تهلوکه‌نین اولدوغو قناعتینده‌دیر. کامرون روسییانین دوردورماغین واجیب‌لییی ایله یاناشی چینین آقرسیو سیاستین‌دن ده ناراحات‌دیر».

تحلیل‌ده خاطرلادیلیب کی، کامرون باش ناظر اولدوغو ایللرده بؤیوک بریتانییا ایله چین آراسیندا امکداشلیغا اوستونلوک وئریردی. حاضردا ایسه شرطلر دییشیب.

تاریخ
2024.06.19 / 21:46
مولف
Axar.az
شرح لر
دیگر خبرلر

آذربایجانین و ارمنیستانین اراضی بوتؤولویو… - ایران

آمریکا سفیرلیینه پوا هجوموندان یئنی گؤرونتو - ویدئو

تل-اآیوه هجومدا استیفاده ائدیلن پوا ایران‌دا حاضیرلانیب

روسییا بونا گؤره اورکله‌نیب، اوکراینایا هجوم ائتدی

ارمنیستان‌دا حربی تییاره قزایا اوغرادی، پیلوتلار اؤلدو - فوتو

بایدن بو دفعه خانیمینی سهو سالدی - ویدئو

روسییادا شوک: اتم الکتریک استانسیاسیندا سیزما، رادیاسییا ۷۵ دفعه آرتدی

کیئو روسییادا "تاریخی سسناری"یه اومید ائدیر

بایدنین سیاسی کاریراسی بیتیر - ن.ب.سی

ماکرون ارمنیستانی سلاحلاندیرماسیندان دانیشدی

خبر خطّی
Axar.az'da reklam Bağla
Reklam
Bize yazin Bağla