قازاخیستان ایران لیمانیندا ترمینال تیکینتی‌سی ایله ماراقلانیر.

Axar.az خبر وئریر کی، ایران گمیچی‌لیک شرکتی «گولدن لاین» قازاخیستانا بندر-عباس لیمانیندا ترمینال تیکینتی‌سینده امکداشلیق تکلیف ائدیب. تکلیفه اساساً، قازاخیستان اوچون اوبیکته ۳۰ هکتار اراضی آیریلا بیلر.

قازاخیستانین نقلیات ناظیرلییندن بیلدیریلیب کی، ترمینالین تیکینتی‌سینده اینوستیسییالارین اقتصادی ثمرلیلیینین، ائلجه ده ضمانتلی یوک‌داشیما حجملرینین موجودلوغونون معیینلشدیریلمه‌سی استقامتینده ایشلر آپاریلیر.

«عمومیتله، ایران، هیندیستان و کؤرفز اؤلکه‌لری بازارلارینا چیخیشی تامین ائد‌ن «شمال-جنوب» نقلیات دهلیزی اؤلکه‌میز اوچون پرسپکتیولیدیر»، دئیه ناظیرلیک علاوه ائدیب.