ارمنیستانلا آذربایجان آراسیندا بعضی ایلکین راضیلاشمالار وار. ایلکین مرحله‌ده هانسی‌سا اؤزل بین‌الخالق تشکیلات دهلیز دئییله‌ن کمونیکاسییا خطینه نظارت ائتمه‌لیدیر.

Axar.az خبر وئریر کی، بو سؤزلری «آپری آرمنیا» آنالیتیک مرکزینین آنالیتیکی سرگی ملکونیان «آزادلیق» رادیوسونون ارمنی خدمتینه بیلدیریب.

«اونا (زنگزور دهلیزینه) دهلیز دئییلمه‌یه‌جک، اما ایران‌دا اورانین دهلیز اولاجاغینی چوخ یاخشی باشا دوشورلر.

اولجه هانسی‌سا بین‌الخالق اؤزل شرکت اورا (زنگزور دهلیزینه) نظارت ائد‌جک. سونرا بیرگه نظارت حیاتا کئچیریله‌جک. آذربایجان یاواش-یاواش (ائتنیک آذربایجان‌لیلارین) اورا (یعنی زنگزورا) کؤچورولمه‌سینی حیاتا کئچیره‌جک و ایران ارمنیستانلا سرحدینی ایتیرجک»، – دئیه ملکونیان زنگزور دهلیزی ایله باغلی خامنه‌اینین بیاناتینی شرح ائدرکه‌ن بیلدیریب.

خامنه‌ای نیکول پاشینیانلا گؤروشونده دئییب: «ایران اسلام رسپوبلیکاسی زنگزور مارشروتونو ارمنیستانین زیانینا حساب ائدیر و بو موقعیینده قالماقدادیر».

متنی ترجمه و تقدیم ائد‌ن ژورنالیست ائلبیی حسنلی قید ائدیب کی، ارمنی سیاسی آنالیتیکلر زنگزور دهلیزی مسئله‌سینده طرفلر آراسیندا ایلکین راضیلاشمانین اولدوغونو بیلدیریرلر:

«یئری گلمیشکه‌ن، بوگونلرده جناب اردوغان دئمیشدی کی، زنگزور دهلیزینین آچیلماسی پروسسین مثبت سونلوقلا بیتمه‌سی اوچون «سون آددیم اولاجاق».