کرمل صاحبی ولادیمیر پوتین چاشقین‌لیق ایچریسینده‌دیر، اونون و اؤلکه‌سینین ایمیجینه بؤیوک ضربه دییب.

Axar.az خبر وئریر کی، بو سؤزلری پولیتولوگ الخان شاهینوغلو اوکراینانین کورسک ویلایتینه هجومو حاق‌دا قید ائدیب.

او بیلدیریب کی، پوتین اوکراینا اوردوسونو روسییا اراضی‌سیندن چیخارماق اوچون بوتون ممکن امکانلاردان استفاده ائد‌جک، مینلرله گنجینین اؤلومو حسابینا نتیجه الده ائتمه‌یه چالیشاجاق:

«کرئمل ایتکی ایله حسابلاشمیر، نه اولورسا-اولسون، «بؤیوک روسییا» ایدئیاسینی رئاللاشدیرماغا چالیشیر. آنجاق بو ایدئیا اوکراینا محاربه‌سینین اوچونجو ایلینده روسلار آراسیندا آرتیق اولکی کیمی پوپولیار دئییل. پوتینین اطرافی دا مایوس‌دور، آنجاق هله کی، فکرلرینی آچیق بیلدیرمه‌یه چکینیرلر. پوتین ایکینجی نیکولایین سهوینی تکرارلاییر. اؤتن عصرین اوللرینده روسییا ایمپرییاسی گوجلو ایدی، آوروپا اؤلکه‌لرینین اکثریتی روسییانین کند تصرروفاتی محصوللارینا محتاج ایدی. ایکینجی نیکولای اؤلکه‌سینی بیرینجی دونیا محاربه‌سینه قوشدوقدان سونرا ایمپرییا اوچون سونون باشلانغیجی گؤروندو. روسییانین محاربه‌ده ایتکیلری آرتدیقجا جمعیت‌ده ناراضی‌لیق آرتماغا باشلادی، انقلابی احوال-روحیه یئتیشدی، او زمانا قدر جمعیت‌ده بؤیوک نفوذو اولمایان بولشئویکلر چئوریلیش یولو ایله حاکمیته گلدیلر، نیکولایی عائله‌سی ایله بیرلیکده گوله‌له‌دیلر، ۳۰۰ ایللیک رومانوولار سلاله‌سینین سونو فاجعه‌ایله بیتدی. ایمپرییا داغیلدی».

پولیتولوگ قید ائدیب کی، روسیانی اداره ائد‌نلر تاریخدن نتیجه چیخارا بیلمیرلر:

«اس.اس.ار.ای-نی اداره ائد‌نلر ۱۹۷۹-جو ایلده افغانیستانا سوخولماق قرارینی وئردیلر، ۱۲ ایل سونرا بو ایمپرییا دا داغیلدی. پوتین عینی یوللا گئدیر. کرئمل صاحبی بو آغیر گونلرده اؤزونو اطرافیندان دا قوروماق باره‌ده دوشونمک مجبوریتینده‌دیر. چونکی پئشه‌کار کشفیات‌چی‌سی کیمی بیلمه‌میش دئییل کی، بئله آغیر گونلرده اطرافا اینانماق اولماز. ایکینجی نیکولایا حاکمیتدن امتنا قرارینی گنراللاری امضالاتدیرمیشدی».