ایران پرزیدنتی مسعود پزشکیان نیو یورک‌دا تشکیل اولونان "دنیا صلحونون برقرار اولماسیندا ایلاهی دینلرین رولو" کنفرانسیندا آمریکادا یاشایان اسرائیللی اونیورسیتت معلمی لیور استرنفلدله گؤروشو ایران مئدیاسیندا قالماقال یارادیب.

Axar.az خبر وئریر کی، بو، ایران مئدیاسی و سوسیال مئدیا پلاتفورمالاریندا ان چوخ مذاکیره اولونان موضوعا چئوریلیب.

مسئله‌نین اجتماعیلشمه‌سی و تنقیدلرین آرتماسیندان سونرا ایرانین بیرلشمیش میللتلر تشکیلاتینداکی نماینده هئیتی بیانات یایاراق، لیور استرنفلدین اسرائیللی اولماسیندان خبرسیز اولدوقلارینا گؤره، اونون پرزیدنتله گؤروشه بوراخیلدیغینی ادعا ائدیب.

"او، یهودی‌لیک، اسلام و ایران ساحه‌سینده اوزون مدت تدقیقاتلار آپاردیغینا و آنتی-صهیونیست فعالیتلرینه گؤره کنفرانسا دعوت ائدیلیب"،- بیانات‌دا بیلدیریلیب.

پنسلوانییا اونیورسیته‌سینین معلمی لیور ایسترنفلد ایسه ایران طرفینین ادعالارینی تکذیب ائدیب.

"آنلاشیلمامازلیق اولماسین دئیه، ایلک گوندن ایران اسلام رئسپوبلیکاسینین نماینده‌لرینه اسرائیل‌لی و یهودی اولدوغومو بیلدیرمشم، اونلار ایسه بونون پروبلم اولمادیغینی دئییبلر، بونا گؤره ده، کنفرانسدا اشتراک ائتمک اوچون منه دعوتنامه گؤندریله‌نده چوخ تعجبلندیم"،- استرنفلد اسرائیلین "هاآرتص" قزئتینه آچیقلاماسیندا بیلدیریب.

قید ائدک کی، همین کنفرانسدا لیور اسرنفلددن باشقا بیر نئچه باشقا یهودی ده اشتراک ائدیب، آنجاق یالنیز استرنفلد کوفرانسدا چیخیش ائدیب و تدبیرین سونوندا مسعود پزشکیانلا اوز-اوزه دانیشیب.

ایرانین محافظه‌کار سیاسی جریانینا منصوب اولان بیر سیرا مئدیا قروملاری اسرائیللی تدقیقاتچینین کنفرانسا دعوت ائدیلمه‌سی و پزشکیانلا صحبتلشمه‌سینی‌نین اؤنجه‌دن پلانلاشدیریلمیش حرکت اولدوغونو بیلدیریبلر.

اونلار، پرزیدنتین ایکی‌باشلی سیاست یوروتدویونو و اسرائیللی عالیمله گؤروشمکله اسرائیله، غربه آنلاشماق ایسته‌دیی باره‌ده بو واسطه ایله مئساژ وئردیینی ادعا ائدیرلر.

محافظه‌کارلارین فیکرینجه، پزشکیانین و اونون کومانداسن‌دا اولان غربله دانیشیق طرفدارلارینین بو آددیمی ایران رهبری علی خامنه‌ای‌نین خارجی سیاستله باغلی تعلیماتلاری ایله ضدیت تشکیل ائدیر.

بو ایسه مسعود پزشکیانا قارشی نیو یورک سفریندن سونرا باشلانان تنقید کامپانییاسینین داها دا شدتله‌نمه‌سینه سبب اولوب.