آمریکا محکمه‌سینین منصفلر هیئتی بیر نئچه ایرانلینی آمریکا پرزیدنتلیینه رسپوبلیکاچیلار پارتییاسیندان نامزد اولان دونالد ترامپین سئچکی کامپانییاسینا مداخله ائتمکده اتهام ائدیب.

Axar.az خبر وئریر کی، بو باره‌ده «پولیتیکو» نشری معلومات یاییب.

نشر ترامپین سئچکی کامپانییاسینا هاکر هجومون کمالا هاریسین پرزیدنتلییه نامزدلییندن اول باش وئردیینی یازیب. الده اولونان معلوماتلار ژورنالیستلره و جو بایدنین سئچکی قرارگاهینا گؤندریلیب.

معلوماتا گؤره، تقصیرلندیریله‌ن شخصلرین آدلاری و اتهاملاری هله‌لیک آچیقلانماییب. آنجاق بؤیوک منصفلر هیئتی سنتیابرین ۲۶-دا فدرال پروکورورلار طرفیندن ایر‌لی سوروله‌ن اتهام آکتینی یک‌دیللیکله تصدیقله‌ییب.

آمریکا عدلیه ناظیرلیینین بو اتهاملاری سنتیابرین ۲۷-ده آچیقلایاجاغی گؤزلنیلیر.