آنا صحیفه پلانت |
آمریکا فدرال آویاسییا آدمینیستراسییاسینین کئچمیش پودراتچیسی، ایران اصیللی ۴۲ یاشلی آبوذر رحمتی ایران حکومتینین تهلوکهسیزلیک و کشفیات قوروملارینین خیرینه جاسوسلوقدا، آمریکایا قارشی فعالیتده اتهام اولونوب.
Axar.az خبر وئریر کی، بو بارهده آمریکا عدلیه ناظرلییی معلومات یاییب.
بیلدیریلیب کی، ویرجینییا اشتاتیندا یاشایان رحمتی سنتیابرین ۲۷-ده کلمبیا بؤلگهسینده محکمهده حاکم قارشیسینا چیخاریلیب.
ابوذر رحمتییه تقدیم ائدیلن اتهام آکتینا اساساً، او، ان آزی ۲۰۱۷-جی ایلین دکابریندان ۲۰۲۴-جو ایلین ایون آیینا قدر ایرانین دولت رسمیلری و کشفیات آگئنتلری ایله علاقه ساخلاییب، آمریکادا سو-قصد تشکیل ائتمک اوچون اونلارلا بیرگه پلان قوروب.
بونونلا یاناشی ابوذر رحمتینین ایران کشفیات اورگانلارینا اهمیتلی معلوماتلار اؤتورمک اوچون ساختا سیوی و یالان معلوماتلارلا پودراتچی قیسمینده آمریکادا ایشه گؤتورولمهیه نایل اولدوغو وورغولانیب.
"بو شخص اسلام رسپوبلیکاسینا میللی تهلوکسیزلییمیز اوچون حیاتی اهمیت کسب ائدن حساس معلوماتلار اؤتورمک نیتی ایله آمریکا آگئنتلیینه سیزماقدا اتهام اولونور"،- کلمبیا بؤلگهسینین حاکمی متیو کریوز بیلدیریب.
بونونلا یاناشی بیلدیریلیب کی، ابوذر رحمتی ۲۰۰۹-۲۰۱۰-جو ایللرده سپاه-دا ظابط کیمی خدمت ائدیب و بو فاکتی آمریکا حکومتیندن گیزلهدیب.
تاریخ
2024.09.28 / 10:05
|
مولف
Axar.az
|