آمریکا حکومتی ۲۰۲۰وه ۲۰۲۴-جو ایلده آمریکادا کئچیریلن پرزیدنت سئچکیلرینه تأثیر و مداخیله‌یه جهد ائد‌ن ۶ ایرانلییا قارشی سانکسییا تطبیق ائدیب.

Axar.az خبر وئریر کی، بو باره‌ده آمریکا مالییه ناظرلییی معلومات یاییب.

«ایران حکومتینه باغلی آگئنتلر آمریکانین سئچکی پروسئسلرینه و اینستیتوتلارینا اعتیمادی سارسیتماق، سیاسی کامپانییالارا مداخیله ائتمک اوچون هاکرلیک و معلوماتلارین افشاسی عملیاتلاری و مقصدیؤنلو فیشینگ هجوملاری کیمی بیر سیرا ضررلی کیبر فعالیتلر حیاتا کئچیریبلر»،- معلوماتدا بیلدیریلیب.

معلوماتا گؤره، سپاه-ین مسعود جلیلی آدلی عضوو بو حربی تشکیلاتین دیگر عضولری ایله بیرلیکده ان آزی بو ایلین مای آییندان اعتباراً ایران حکومتینین آمریکاداکی پرزیدنت سئچکیلرینه مداخیله جهدینده اشتراک ائدیب.

آمریکا مالییه ناظرلییی اؤز بیاناتیندا اؤلکه‌نین سئچکی نامیزدلریندن هانسی‌نین معلوماتلارینین ایرانلی مأمورلار طرفیندن اوغورلاندیغی باره‌ده آچیقلاما وئرمه‌ییب.

بوندان اول یاییلان معلوماتلاردا ایسه، ایرانلی هاکرلرین دونالد ترامپین سئچکی کامپانییاسینا مداخیله ائتدیکلری بیلدیریلیب.