ایرانلا علاقه‌لی جنایتکار دسته‌نین یوکسک وظیفه‌لی عضوو دبی‌ده حبس ائدیلیب.

Axar.az خبر وئریر کی، بو باره‌ده اینترپول معلومات یاییب.

بیلدیریلیب کی، ماک گووئرن ایرلندین متشکل جنایتکارلیق کارتلی کیناهانین یوکسک وظیفه‌لی عضوو و دنیانین ان چوخ آختاریلان جنایتکارلاریندان بیری اولوب.

۳۸ یاشلی جنایتکار، بیرلشمیش عرب امیرلیکلری و ایرلند رسمیلری‌نین بیرگه امکداشلیغی نتیجه‌سینده اوکتیابرین ۱۰-دا دبی‌ده ساخلانیلیب.

اونون قتل و متشکل جنایتکار گروپا رهبرلیکده گناهلاندیریلدیغی بیلدیریلیب.

قید ائدک کی، جاری ایلین مای آییندا بریتانییانین "تایمز" قزئتی ایرلندلی جنایتکارین ایران و لبنان حزبوللاهی ایله علاقه‌لری باره‌ده مقاله درج ائتمیشدی.

قزئتین یازدیغینا گؤره، "کیناهان" جنایتکار دسته‌سی حزبوللاهین گیزلی مالییه سیستمیندن مختلیف جنایت گروپلارینا، او جمله‌دن شمالی آمریکا نارکوتیک کارتللرینه پول اؤد‌مک اوچون استیفاده ائدیب.

بونونلا یاناشی «کیناهان» کارتلی ساختا سندلرله و خارجی شیرکتلر واسطه‌سیله ایرانین سلاحلی قوه‌لری اوچون آفریقا و مرکزی آمریکا اؤلکه‌لریندن ایکینجی ال طیاره‌لر و اونلارین حیصه‌لری آلیب.