۲۳:۱۷

بازار گونو آخشام حزب‌اللاها مخصوص پوا بنیامین بؤلگه‌سینه ضربه ائندیریب، تخمیناً ۶۷ نفر یارالانیب، دؤردونون وضعیتی چوخ آغیردیر.

Axar.az خبر وئریر کی، بو باره‌ده اسرائیلین «یروسلیم پست» نشری معلومات یاییب.

«لیوان‌دان ایکی پیلوت‌سوز طیاره اسرائیله دوغرو آتیلیب، بیری دنیز اوزرینده وورولوب، لاکن پیلوتسوز طیاره‌لردن بیری اسرائیلین درینلیکلرینه نفوذ ائد‌رک بنیامین بؤلگه‌سینه دوشوب. هجوم زمانی هئچ بیر خبردارلیق سیرنلری ایشه سالینماییب»، - معلوماتدا بیلدیریلیب.

بونون آردینجا اسرائیل اردوسو دا آچیقلاما یاییب. بیلدیریلیب کی، لیواندان ۲ و یا ۳ پوا بوراخیلیب، بیری دنیز اوزرینده وورولسا دا، دیگری (و یا دیگر ایکی‌سی) اسرائیلین درینلیکلرینه گیره بیلیب:

«پوا رادار سیستملری طرفیندن آشکار ائدیلمه‌ییب، هئچ بیر هیجان سیگنالی ایشه سالینماییب و هئچ بیر مداخله جهدی ائدیلمه‌ییب».

قید ائدیلیب کی، هجوم زمانی چوخ‌سایلی عسگر یارالانیب. یارالیلاردان ۴-نون آغیر، ۵-نین اورتا-آغیر، ۱۴ نفرین ایسه وضعیتینین اورتا سوییه‌ده اولدوغو بیلدیریلیب.

یارالیلاردان ۳۷-سی تعجیلی یاردیملا مختلف خسته‌خانالارا آپاریلیب.

دیگر یارالیلار دا خسته‌خانالارا یئرلشدیریلمکده‌دیر.