آنا صحیفه پلانت |
فرانسا پرزیدنتی امانوئل ماکرون اسرائیل دولتینین ب.ام.ت-نین قطعنامهسی اساسیندا یاراندیغینی بیان ائتمکله تاریخدن خبرسیزلیینی نماییش ائتدیریب و حرمتسیزلیک گؤستریب.
Axar.az خبر وئریر کی، بونو اسرائیلین باش ناظری بنیامین نتانیاهو دئییب.
«بو، تاریخدن خبرسیزلییی و حرمتسیزلییی گؤستریر. ب.ام.ت یهودی خالقینین دولت حقوقونو تانیدی، لاکین طبیعی کی، اونو یاراتمادی. اسرائیل موستقیللیک محاربهسی نتیجهسینده دولتچیلیک الده ائدیب. ب.ام.ت ۱۹۴۸-جی ایل محاربهسینده اشتراک ائتمهییب، لاکین هولوکوستدان و ویشی رژیمیندن ساغ چیخانلار اشتراک ائدیبلر. اونا گؤره ده ب.ام.ت-نین اسرائیل دولتینی یاراتدیغینی سؤیلهمک تاریخین اوزوجو تحریفیدیر»، - او بیلدیریب.
قید ائدک کی، نتانیاهو ویشی رژیمی دئدیکده، ایکینجی دنیا محاربهسی ایللرینده آلمان اشغالی زمانی فرانسادا فعالیت گؤسترهن کوللابورسیونیست حکومتی نظرده توتور.
خاطرلاداق کی، ماکرون نتانیاهویا چاغیریش ائدرک، اسرائیلین ب.ام.ت قراری ایله یارادیلدیغینی اونوتمامالی اولدوغونو بیلدیرمیش و اونو ب.ام.ت قرارلارینا حرمت ائتمهیه دعوت ائتمیشدی.
تاریخ
2024.10.17 / 16:34
|
مولف
Axar.az
|