انسان بده‌نینده ان چوخ هوا، اوکسیژن و قانداکی قیدالی ماده‌لری طلب ائد‌ن اورگان باش بئیین‌دیر. اونا گؤره ده بئیین و سینیر حجیره‌لریمیز اوکسیژن آجلیغینا حساس‌دیر.

Axar.az خبر وئریر کی، حکیم-نورولوق قالیب اسدوو بیلدیریب کی، بیین اوکسیژن‌سیز قالا بیلمز.

مثلاً، اونلار حساب ائدیرلر کی، باش گیجلله‌نمه اوکسیژن چاتیشمازلیغینین بیرینجی علامتی‌دیر. بو او دئمک‌دیر کی، وستیبولیار آپارات پوزولوب، سندیرله‌مه، قولاقلاردا اوغولتو، کوی اولور. ائلجه ده باش آغریلاری، اورک بولانما، قوسما، حالسیزلیق، گؤز قارالماسی، سایریشما و س. باش وئره بیلیر.

بیینین اوکسیژن‌سیز قالماسی هانسی فسادلاری یارادا بیلر؟

"بیین‌ده اوکسیژنین مقداری آزالاندا بئله بیزده باشگیجلله‌نمه اولور. اگر بیین اوکسیژن‌سیز قالسا، بیز هوشوموزو ایتیریب ییخیلاریق. بیین اوکسیژن‌سیز قالسا، بیینه قان گئتمه‌سه، ۴-۵ دقیقه عرضینده اؤلوم باش وئریر.

اونا گؤره ده، اورک دایاناندا دئییرلر کلینیکی اؤلوم، چونکی او زمان بیین‌ده آز میقداردا اوکسیژن اولور، ۴-۵ دقیقه‌دن سونرا ایسه بیین حجئیره‌لری ده اؤلور و بیولوژی اؤلوم باش وئریر.

بعضا دم گازی ایله زهرله‌نه‌ن، اؤزونو آسان اولاندا دئییرلر کی، بیین اوکسیژن‌سیز قالیب. اما ائله اولاندا بیین اوکسیژن‌سیز قالمیر، بیینه گئدن اوکسیژن آزالمیش اولور"، - دئیه حکیم-نورولوق وورغولاییب.

سون زمانلار بیینه اوکسیژن چاتمادیغی حاللاردا ۷۲ ساعت گؤزله‌مه‌نین واجیب‌لییی ایله باغلی جمعیت‌ده یاییلان فکرله راضیلاشمادیغینی قید ائدیب.

او بیلدیریب کی، علم‌ده بئله بیر زمان چرچیوه‌سی یوخدور.

اگر بو حال ۲۴ ساعتدان چوخ داوام ائدیرسه بو ایسه او دئمکدیر کی، بیین‌ده گئری دؤنمز پروسسلر باش وئریب، یعنی یوخاریدا قید ائتدییم کیمی، نیرونلار اؤلوب، اونلارین برپاسی ایسه ممکن‌سوزدور. دوزدور، حکیم خسته صاحبینه دئیه بیلر کی، اوچ-دؤرد گون گؤزله‌یه‌ک گؤرک نه اولور - کومادان آییلیرمی، درمانلار اؤز تأثیرینی نئجه گؤستریر و س.، اما کونکرت ۷۲ ساعت گؤزله‌مک دئیه بیر آنلاییش یوخدور، ۲۴ ساعت گؤزله‌مک آنلاییشی وار"، - دئیه حکیم وورغولاییب.