دنیادا آدام باشینا ان چوخ ات مصرف ائدن اؤلکه‌لر آچیقلانیب.

Axar.az خبر وئریر کی، ات مصرف ائد‌ن اؤلکه‌لری ۵ گروپا بؤلمک اولار: ان آز، آز، اورتا، چوخ و ان چوخ.

ان آز ات مصرف ائد‌ن اؤلکه‌لر - آدام باشینا ۳،۷ کیلوگرام‌دان ۲۱ کیلوگرامادک ات یئییله‌ن اؤلکه‌لردیر. بورا بروندی، بنگلادش، هیندیستان، سوریا، افغانستان، نیجرییا، نیجر، یمن، سومالی و دیگر اؤلکه‌لر داخل‌دیر.

آذربایجان ایللیک آدام باشینا ات یئیه‌ن اؤلکه‌لر سیراسین‌دا ایکینجی گروپ‌دا یئر آلیب. بئله کی، آذربایجان‌دا ایللیک ۴۰،۵ کیلوگرم آدام باشینا ات مصرف ائدیلیر. پاکستان، ایران، قیرغیزیستان، مصر، گرجستان، اؤزبکستان، ارمنستان، تورکیه، اوکراینا آز ات یئییلن اؤلکه‌لر سیراسیندادیر.

مسلمان اؤلکه‌لرین‌دن سودیه عربستانی، ترکمنستان، امارات، کویت، بحرین، قازاخیستان کیمی اؤلکه‌لر اورتا سویه‌لی ات یئییلن اؤلکه‌لردیر. بو اؤلکه‌لرده ایللیک آدام باشینا ۵۸-۸۴ کیلوگرم ات مصرفی دوشور.

یاپونیا، آلمانیا، چین، فینلاندیا، فرانسا، روسیا، بریتانیا و دیگر آوروپا دولتلری ده اورتا سویه‌لی ات مصرف ائدیلن اؤلکه‌لردیر. بو اؤلکه‌لرده آدام باشینا ات مصرف ۶۰-۱۰۰ کیلوگرم آراسیندا دییشیر.

دنیانین ان چوخ ات استفاده ائدیله‌ن اؤلکه‌لرینی، یعنی ایللیک آدامباشینا ۱۰۰ کیلوگرمدن چوخ اولان اؤلکه‌لرین سیاهی‌سینی تقدیم ائدیریک:

۱. تونگا کرال‌لیغی - ۱۴۸ کیلوگرم

۲. مونقولستان - ۱۳۲ کیلوگرم

۳. ساینت ومجنت و گرنادینلر - ۱۲۴ کیلوگرم

۴. هونگ کونگ -۱۲۳ کیلوگرم

۵. آمریکا - ۱۲۳ کیلوگرم

۶. مارشال آدالاری - ۱۱۸ کیلوگرم

۷. آرژانتین - ۱۱۳ کیلوگرم

۸. اسرائیل - ۱۱۳ کیلوگرم

۹. ماکاو - ۱۱۳ کیلوگرم

۱۰. آوسترالییا - ۱۱۲ کیلوگرم

۱۱. باهام آدالاری - ۱۰۸ کیلوگرم.