اگر چکی ایتیره بیلمیرسینیزسه، یاواش متابولیزم گناهکار اولا بیلر.

یاواش متابولیزم او دئمک‌دیر کی، بدنین یئدیی کالری‌لری ثمره‌لی شکیل‌ده استفاده ائتمیرسن. اونلاری انرژی اوچون استفاده ائتمک عوضینه، یاغ ساخلاماق اوچون استفاده ائدیر

Axar.az یاواش مئتوبولیزمین ۴ اساس سببینی تقدیم ائدیر:

دایم سویوقلوق

بدن انرژی استحصال ائتمک اوچون کالری‌لردن آکتیو شکیل‌ده استفاده ائتدیک‌ده، حتی داها سویوق شرایط‌ده بئله تیتره‌مه‌نین قارشی‌سینی آلماق اوچون کفایت قدر ایستی‌لیک یارادیر. یاواش مئتابولیزمی اولان انسانلار سویوق‌دان شکایت ائدیرلر. خصوصیله اللری و آیاقلاری اوشویو، بو، بدنین یاشاماق اوچون انرژی استحصالینا و ایستیلی‌یه اوستونلوک وئرمدیینین و قان دورانینی یاواشلاتدیغینین بیر علامتی‌دیر.

قورو دری

اگر دایم درینیز قورودورسا، بو، یاواش متابولیزمه باغلی اولا بیلر. بو حال‌دا، بدن یالنیز استراتژی اهمیتلی اورگانلارا قان وئریر. اوز دریسی بونلاردان بیری دئییل. قاندان لازیمی قیدا ماده‌لری اولمادان پیسلشیر، قورویور و سیزاناقلارا میل‌لی اولور.

ساچ تؤکولمه‌سی

عینی پرینسیپ اوز دری‌سینده اولدوغو کیمی تطبیق اولونور. یاواش متابولیزم سببین‌دن ساچ فولیکوللاری قانلا یاواش تعمین اولونور.

یورغونلوق

سحرلر اؤزونوزو حال‌سیز حس ائتمک و گون عرضین‌ده (ساعت ۱۴:۰۰ راده‌لرین‌ده) انرژینین اهمیت‌لی درجه‌ده آزالماسی متابولیک پوزغونلوغون کلاسیک علامتی حساب اولونور.

متابولیزم نیه یاواشلاییر؟

«فیت فور فون» پورتالینا گؤره، عمومی سببلره ضعیف و یا غیری-کافی یوخو، آغیر ایسترس، کفایت قدر استراحتین اولماماسی، چوخ آز فیزیکی فعالیت و بدنی لازیمی ماکرو و میکروالمنتلرله تعمین ائتمه‌یه‌ن بالانسسیز قیدالانما داخل‌دیر.