د ویتامینی چاتیشمازلیغی باش و بویون خرچنگی ریسکینین آرتماسی ایله علاقه‌له‌ندیریله بیلر.

Axar.az خبر وئریر کی، بو نتیجه‌یه عالملر ۲۱۶ میندن چوخ خسته‌نین معلوماتلارینی تحلیل ائتدیکدن سونرا گلیبلر.

تدقیقات‌چیلار د ویتامینی چاتیشمازلیغی اولان انسانلاری و نرمال سوییه‌ده اولانلاری مقایسه ائدیبلر. تدقیقات ۱۰ ایل داوام ائدیب. معلوم اولوب کی، د ویتامینی چاتیشمازلیغی اولانلاردا باش و بویون خرچنگی ریسکی ۵۶ فایز داها یوکسکدیر.

بو علاقه قیرتلاق و آغیز خرچنگی ده داخل اولماقلا مختلف شیش نوعلری اوچون داوام ائدیب.

عالیملر همچنین د ویتامینی سوییه‌لری ایله ممکون علاقه‌نی آشکار ائدیبلر: اورتا سوییه‌لی چاتیشمازلیقدا آرتان ریسک آغیر چاتیشمازلیقلا مقایسه‌ده داها آز نظره چارپیردی. بو علاقه ان چوخ ۵۰ یاشدان یوخاری انسانلاردا مشاهده اولونوب، گنج خسته‌لرده ایسه هئچ بیر علاقه تاپیلماییب.

مؤلفلر وورغولاییرلار کی، تدقیقات مشاهده کاراکترلی اولوب، بونا گؤره ده د ویتامینی چاتیشمازلیغینین بیرباشا خرچنگه سبب اولدوغونو ثبوت ائتمیر. لاکن نتیجه‌لر گؤستریر کی، د ویتامینی سوییه‌سی اوزون‌مدتلی ساغلاملیق ریسکلرینین قیمتلندیریلمه‌سینده مهم عامل اولا بیلر.