آنا صحیفه پلانت |
حماس سیاسی بوروسونون رهبری یحیی سینوارین اؤلدورولمهسی غزهده آتشکسله باغلی راضیلیغین الده اولونماسیندا چتینلیکلر یارادا بیلر.
Axar.az خبر وئریر کی، بو بارهده «واشینگتن پوست» معلومات یاییب.
«آمریکا لیدری جو بایدن و ویتسهپرزیدنت کمالا هاریس سینوارین اؤلومونون غزهده وضعیتین نظاملانماسینی آسانلاشدیرا بیلجیینه اومید ائتدیکلرینی بیلدیریب. لاکین آمریکا، اسرائیل، عرب رسمیلری و اسرائیلین حربی ایستراتگییاسی، ائلجه ده آمریکانین آیلاردیر رهبرلیک ائتدیی آتشکس سعیلری ایله تانیش اولان اکسپرتلر بیلدیریبلر کی، سینوارین اؤلومونون خوش قارشیلانماسینا باخمایاراق، اونون آرادان قالدیریلماسی یئنی مانعهلر یارادا بیلر. اساس ناراحاتلیق حماس-ین یئنی لیدرینین آتشکس دانیشیقلارینا حاضر اولوب-اولمایاجاغی، نتانیاهونون بو فرصتدن حربی عملیاتلارین اینتنسیولیینی آزالتماق اوچون استفاده ائدیب-ائتمیجیی و یا غزهده داها گئنیش غلبهیه نایل اولماق اوچون سعیلرینی ایکی قات آرتیرماغا قرار وئرجیی ایله باغلیدیر. بو سواللارا جواب آتشکس پلانینین حیاتا کئچیریلمهسی پرسپکتیولرینی معین ائدجک»، - معلوماتدا قید اولونوب.
تاریخ
2024.10.18 / 11:12
|
مولف
زینب اکبر
|