روسییا پرزیدنتی ولادیمیر پوتین غربین لنگلییندن ماکسیموم یارارلانماغا چالیشیر. بعضیلری دوشونه بیلر کی، پوتینین شمالی کورئیا حربی قوه‌لرینی اوکراینا محاربه‌سینه جلب ائتمه‌سی یالنیز روسیانین حربی پوتنسیالینین ضعیفله‌مه‌سی ایله باغلیدیر. یعنی روسیا اوردوسو اوکراینانین شرقین‌ده اشغال زوناسینی گئنیشلندیررکه‌ن پوتینین کورسک ویلایتینی آزاد ائتمک اوچون علاوه حربی قوه‌یه احتیاجی اولوب و کرئمل صاحبی بو مقصدله شمالی کورئیایا مراجعت ائدیب. بوندا حقیقت پایی وار، حتی روسیا بونون عوضینه شمالی کورئیایا ارزاق یاردیمی سؤز وئریب.

Axar.az خبر وئریر کی، بو سؤزلری پولیتولوگ الخان شاهین اوغلو قید ائدیب.

او بیلدیریب کی، کرملین شمالی کورئیانی محاربه‌یه بیرباشا جلب ائتمه‌سینین باشقا مقصدی ده وار:

«پوتین بونونلا آمریکا و آوروپا بیرلییینین متفیقی اوکراینانی قورویا بیلمدیینی گؤستریر. پوتین سانکی دئمک ایستییر کی، روسییا اوغروندا دؤیوشمک ایسته‌یه‌ن دولت وارکه‌ن، ناتو اؤلکه‌لری اوکراینانی یالنیز سؤزده دستکلییرلر. ائله اوکراینا پرزیدنت ولادیمیر زلنسکی ده تخمیناً عینی فکرده‌دیر. زلنسکینین سؤزلرینه گؤره، غرب لیدرلری اوکراینانی ناتو عضولویونه قبول ائتمه‌مه‌لری بیر یانا، ساده‌جه رسمی دعوت افاده‌سیندن ده چکینیرلر. «بو، عدالتلی دئییل. ساده‌جه «یوخ» دئمیین بیر یولودور» - دئیه‌ن زلنسکی اوکراینایا صمیمی جواب وئریلمدیی قناعتینده‌دیر.

اوکراینانین اراضی بوتؤولویونو تعمین ائدیب-ائتمه‌مه‌سی آمریکادا پرزیدنت سئچکی‌سینین نتیجه‌سیندن آسیلی وضعیته سالینیب. اوکراینانین یالنیز اؤز رسورسلاری حسابینا تورپاقلارینی گئری قایتارا بیلجیی سوال آلتیندادیر. اوکراینا اوردوسو روسیا ایله یاناشی، لیدرلرینه فاناتیکجه‌سینه باغلی شمالی کورئیا اوردوسو ایله ده ساواشماق مجبوریتینده‌دیر».