نویابرین ۵-ده اؤلکه‌ده کئچیریلن عمومی سئچکیلرده ۸۳ میلیونا یاخین آمریکا وطنداشی ائرکن سس وئریب.

بو باره‌ده فلوریدا اونیورسیتتین‌دن بیلدیریلیب.

اونیورسیتتین اکسپرتلرینین حسابلامالارینا گؤره، اؤلکه‌نین ۸۲ ۷۱۳ ۵۹۴ وطنداشی ائرکه‌ن سس وئریب - ۴۵ میلیونا یاخینی سئچکی منطقه‌لرینده، ۳۷.۷ میلیونو ایسه پست واسطه‌سیله.

سس وئره‌نلرین ۳۷.۸ فایزی دموکرات، ۳۵.۸ فایزی ایسه رسپوبلیکاچیلار پارتییاسینین عضولری اولوب. قالان ۲۶.۴ فایز سئچیجی سیاسی منصوبیتی باره‌ده معلومات وئرمه‌ییب.

ان چوخ سس وئره‌ن ایشتات تگزاس (۸.۹ میلیون) اولوب. فلوریدا (۸.۳ میلیون) و کالیفورنیا (۸.۱ میلیون) ایشتاتلاری ایسه سونراکی یئرلری توتوبلار.

قید ائدک کی، آمریکادا عمومی سئچیجی سایی ۱۶۸ میلیون نفردیر.

***

آمریکادا پرئزیدئنت سئچکیلری ایلک اولاراق نیو همپشیر ایشتاتینین(ایالتی‌نین) دیکسویلل نوتچ قصبه‌سینده باشلاییب.

Axar.az خبر وئریر کی، بو باره‌ده سئچکی منطقه‌سی‌نین یئرلشدیی «بالسامس» هتلی‌نین نماینده‌سی معلومات یاییب.

اونون سؤزلرینه گؤره، قصبه‌نین ۶ ساکنی آمریکادا ایلک سس وئریب.

۱۹۶۰-جی ایلدن بری ایلک سئچکی منطقه‌سی دیکسویلل نوتچ قصبه‌سینده آچیلیر.

قید ائدک کی، بو گون آمریکادا پرزیدنت سئچکیلری کئچیریلیر.