یاخین آیلاردا آمریکانین یئنی سئچیلمیش پرزیدنتی دونالد ترامپ و روسیا پرزیدنتی ولادیمیر پوتین آراسیندا گؤروش باش توتا بیلر. کونکرت واختی دئمک چتیندیر، اما اونلارین باکی‌دا گؤروشمه‌سی ممکن‌دور.

Axar.az خبر وئریر کی، بو سؤزلری پولیتولوگ قابیل حسین‌لی ترامپ-پوتین گؤروشونون باکی‌دا کئچیریله‌جیی ایله باغلی ادعالارلا باغلی دانیشارکه‌ن دئییب.

اونون سؤزلرینه گؤره، ترامپ پرزیدنت صلاحیتلرینین اجراسینا باشلادیقدان سونرا پوتینله گؤروشمک ایستییر:

«اصلینده، هر ایکی دولت باشچی‌سی یاخین تاریخلرده وئردیی مصاحیبه‌لرده اوکراینا ایله باغلی صلح دانیشیقلارین‌دان و احتمال گؤروشدن بحث ائدیب. دئدیکلریندن بو قناعته گلمک اولار کی، گؤروشه حاضرلیق گئدیر.

ترامپ روسیا ایله دانیشیقلارین دایاندیریلماسینین یانلیش اولدوغونون فرقینده‌دیر. هر حال‌دا دیالوگ یولونون باغلانماسی پروسسین گله‌جه‌یی باخیم‌دا مثبت نه ایسه وعد ائتمیر. بونا گؤره ۲۰۲۵-جی ایلده آمریکا و روسیا آراسیندا دانیشیقلار اولا بیلر».

حسین‌لی بیلدیریب کی، پوتینین محض باکی‌دا ترامپلا گؤروشمه‌سینین ممکن‌لویو ایله باغلی ادعالار وار:

«طبیعی کی، بیرمعنالی «گؤروش یئری باکی اولاجاق» دئمک چتین‌دیر. مثلاً، دانیشیقلار تورکییه‌ده ده باش توتا بیلر. اما باکی هم تهلوکه‌سیزلیک، هم ده نیترال‌لیق باخیمدان اوغورلو سئچیم‌دیر. داها اول بورادا آمریکا و روسیا حربی رهبرلرینین گؤروشلری کئچیریلیب. اوسته‌لیک، بو واختا قدر باکی بین‌الخالق تدبیرلره اوغورلا ائو صاحب‌لییی ائدیب. بونلاری عمومی‌لشدیره‌ن‌ده گؤروش یئری اوچون بیر نمره‌لی ایده‌آل مکانین پایتختیمیز اولدوغونو دئیه بیلریک.

لاکین هله بو باره‌ده رسمی معلومات یوخدور».