روسیا پرزیدنتی ولادیمیر پوتینله قازاخیستان پرزیدنتی قاسم-ژومارت توکایئو آراسیندا تلفون علاقه‌سی باش توتوب.

Axar.az خبر وئریر کی، بو باره‌ده کرملین مطبوعات خدمتی معلومات یاییب.

لیدرلر آزال-آ مخصوص طیاره‌نین قضایا اوغراماسی نتیجه‌سینده قازاخیستان و روسیا وطنداشلارینین هلاک اولماسی ایله باغلی بیر-بیرینه باشساغلیغی وئریب، یارالیلارین تئزلیکله ساغالماسینی آرزولاییبلار.

توکایئو و پوتین قضانین سببلرینی معین ائتمک اوچون طرفلرین گؤردویو ایشلری مذاکره ائدیبلر.

بیلدیریلیب کی، هرطرفلی و شفاف استنطاقین تامین ائدیلمه‌سی واجبدیر.

قید ائدک کی، ۲۵ دکابردا باکی-گروزنی اوچوشونو حیاتا کئچیرن آزال طیاره‌سی گروزنی سماسیندا روسیا هوا هجوموندان مدافعه سیستملری طرفیندن وورولوب و جدی زده آلیب. ائنیشینه اجازه وئریلمدییندن آکتاویا استقامت گؤتورن طیاره آکتاو هوا لیمانی یاخینلیغیندا قضایا اوغراییب. قضا نتیجه‌سینده گؤیرته‌ده اولان ۶۷ نفردن ۳۸-ی هلاک اولوب، ۲۹ نفر ساغ قالیب.

حادثه ایله باغلی روسیا لیدری ولادیمیر پوتین پرزیدنت ایلهام علیئوه زنگ ائد‌رک، عذر ایسته‌ییب.