مسکوادا سوریانین دئوریله‌ن پرزیدنتی بشار اسده قارشی سوءقصد جهدی ائدیلیب.

Axar.az خبر وئریر کی، بو باره‌ده بریتانیانین «سان» نشری معلومات یاییب.

ادعا اولونور کی، اسدی زهرله‌یه‌رک اؤلدورمک ایسته‌ییبلر:

«اسد شدتلی شکلده اؤسکورمه‌یه و بوغولماغا باشلاییب. درحال حکیمه مراجعت ائدیلیب».

مسئله‌یه مناسبت بیلدیرن حربی منبع سوءقصد جهدینین ائدیلدیینی دوشونمک اوچون بوتون اساسلارین اولدوغونو دئییب.

اسدین ائوینده معالجه اولوندوغو و وضعیتینین بازار ائرته‌سی استابیللشدیی وورغولانیب. بیلدیریلیب کی، آنالیزلر بدنینده زهر اولدوغونو گؤستریب.

قید ائدک کی، بریتانیا نشری خبرله باغلی هئچ بیر رسمی منبع‌یه استناد ائتمه‌سه ده، روسیادان بو ادعایا هئچ بیر رئاکسییا وئریلمه‌ییب.