بیز حاضردا تورکییه‌نین باشدان بری نئجه دوغرو بیر استراتگییا ایزله‌دیینین شاهیدی اولوروق. تورکییه اولدن یئنی حکومته دستک وئرمکله، بونو خالقین سسی، دموکراتییانین غلبه‌سی کیمی تقدیم ائله‌مه‌یه چالیشدی.

بو سؤزلری Axar.az-آ پولیتولوگ توراب رضایئو سورییاداکی سون وضعیتی شرح ائدرکن دئییب.

او، هئیت تحریر اش-شامین حلبی اله کئچیررکن تورکییه ایله یئنی حکومت آراسیندا علاقه قورولدوغونو، دمشقین اله کئچیریلمسیله‌سه بو کونتاکتین داها دا گوجله‌ندیینی بیلدیریب:

«یئنی حکومتین اسکالاسییایا گئتمه‌مه‌سینده، مناسیبتلری قیزیشدیرماق ایسته‌مه‌مه‌سینده، اسرائیلین تخریبات کاراکترلی آددیملارینا جاواب وئرمه‌مه‌سینده تورکییه‌نین خصوصی رولو وار. یئنی حکومت بو دیکته فونوندا اسرائیلله مناسیبتلری نورمال ساخلاماغا چالیشدی، ایرانا قارشی اولا بیله‌جه‌یینی بیلدیردی. روسییایا قارشی مؤقع آلسا دا، دیپلوماتیک علاقه‌لری ساخلادی. عینی زاماندا ایرانین و روسییانین لاتاکییادا یاراتماق ایسته‌دیی علوی-نوساقی عصیانینین قارشی‌سینی آلدی. پ‌ک‌ک-نین نظارتینده اولان بؤلگه‌ده آتیشمالار اولسا دا، آچیق شکیلده هجوم ائدیب، آمریکا ایله کونفرونتاسییایا گئتمه‌دی. بو، یئنی حکومتین نورماللاشماسینا و اوتورماسینا سبب اولدو. بونون نتیجه‌سی‌دیر کی، فرانسا و آلمانییا خارجی ایشلر ناظرلرینین دمشقه سفرلرینین، جولانی (احمد اش-شارا) ایله گؤروشلرینین شاهیدی اولوروق».

او، آوروپا بیرلیی‌نین یئنی حکومته قویدوغو شرطه دقت چکیب:

«آوروپا بیرلیی‌ بئله بیر شرط قویموشدو کی، اگر روسییا بازالاری چیخاریلارسا، اونلار یئنی حکومتله امکداشلیق ائد‌جکلر. یاخین زامانلاردا آوروپا بیرلییی مادی یاردیملاری آییراجاق. داها سونرا آمریکا مادی یاردیملار آییرماغا مجبور اولاجاق.

عینی زامان‌دا، آمریکانین بورادا اسرائیلی حرکتلریندن چکیندیرمه‌یه، هجوملارینی دایاندیرماغا چالیشماسینی خصوصی دقته آلمالیییق. بو، یئنی حکومتین مثبت نائیلیتی کیمی قبول اولونا بیلر. آرتیق دئمک اولار کی، یئنی حکومتین بو شکیلده - هم فرانسا، هم ده آلمانییانین خارجی ایشلر ناظرلری ایله گؤروشمه‌سی فاکتیکی اولاراق بو حکومتین تانینماسی دئمکدیر».

پولیتولوگ بون‌دان سونرا باش وئره‌جک حادثه‌لره ده دقت چکیب:

«تورکییه ماکسیموم چالیشاجاق کی، پ‌ک‌ک-نین الده ائتدیی اراضیلری سورییا دولتینین نظارتینه قایتارسین. اصلینده، بونونلا باغلی گئدیشلر وار. آرتیق پ‌ک‌ک نظارت ائتدیی اراضیلرده سلاحلیلاری میللی اوردویا تابع ائدیب، اؤزلرینین ده تابع اولاجاقلارینا دایر مئساژلار وئریبلر. اما اونلار داخیلده مختاریت ساخلاماغا چالیشیرلار. تورکییه ده ماکسیموم شکیلده بونا قارشی چیخاجاق. عینی زاماندا علوی‌لرین ایران و روسییانین تحریکی ایله هانسیسا شکیلده تخریبات یاراتماسینا امکان وئرمه‌یه‌جک. تورکییه اوزون ایللردیر آستانا فورماتیندا هم روسییا، هم ایرانلا وضعیتی نورماللاشدیرماغا چالیشدی. اما بو اؤلکه‌لر نورماللاشما استیقامتینده آددیم آتا بیلمه‌دیلر. یئنی سورییا حکومتی ایله تورکییه بو ایسته‌یینه نایل اولاجاق. داها سونرا ایسه یاواش-یاواش هم پ‌ک‌‌ک-نین نظارتینده اولان اراضیلر، هم ده علویلرین لاتاکییاداکی اراضیسی اله کئچیریله‌جک. بئله‌لیکله، سورییا اوزرینده نظارت تامامیله برپا اولوناجاق. بو ایسه تورکییه‌نین بؤیوک اوغورو کیمی دیرلندیریلمه‌لی‌دیر».