۲۰۲۴-جو ایلین ۱۰ آییندا - یانوار-اوکتیابر آیلاریندا ارمنستانا ۸۴ میلیون ۱۸۸،۸ مین دوللار هومانیتار یاردیم داخیل اولوب کی، بو دا ۲۰۲۳-جو ایلین عینی دؤورو ایله مقاییسه‌ده ۴،۲ دفعه چوخدور.

Axar.az خبر وئریر کی، بو باره‌ده ارمنستان استاتیستیکا کمیته‌سینین آچیقلادیغی معلومات‌دا بیلدیریلیر.

۱۰ آیدا ارمنستانا گؤندریلن هومانیتار یاردیمین بؤیوک حیصه‌سی کیمیا و علاقه‌لی صنایع ساحه‌لرینین محصولو اولوب - ۶۳ میلیون ۳۸۶،۸ مین دوللار. بو، ۲۰۲۳-جو ایلین عینی دؤورو ایله مقاییسه‌ده ۵،۲ دفعه چوخدور.

ان بؤیوک هومانیتار یاردیم آمریکادان گؤندریلیب: ۴۴ میلیون ۵۸۳،۴ مین دوللار، بو، ۱۰ آیدا ارمنستانا گؤندریلن عمومی هومانیتار یاردیمین ۵۳ فایزینی تشکیل ائدیر.

ایکینجی و اوچونجو یئرلرده ۸ میلیون ۱۵۸،۷ مین دوللار یاردیملا آلمانییا و ۳ میلیون ۶۶۰،۲ مین دوللارلیق یاردیملا فرانسه گلیر.

قید ائدک کی، ارمنستانا سوئد، چین، ایتالییا، هیندیستان و دیگر اؤلکه‌لردن ده هومانیتار یاردیم گؤندریلیب.