تورکیه‌ده دئم پارتییاسینین ایمرالی گؤروشونده (عبدالله اؤجالان – رئد) اشتراک ائد‌ن نماینده هیئتی تورکیه بؤیوک ملت مجلسینده اولوب.

Axar.az خبر وئریر کی، پروین بولدان، احمد تورک و سیری ثریا اؤندردن عبارت هیئت تورکیه بویوک ملت مجلسی صدری نومان قورتولموشلا گؤروشوب.

گؤروشدن سونرا آچیقلاما وئرن اؤندر قورتولموشو ایمرالی گؤروشو باره‌ده معلوماتلاندیردیقلارینی آچیقلاییب:

«تکلیفلرینی دینلدیک. عمومی قیمتله‌ندیرمه آپاردیق. بو گؤروش جناب باخچالی (م.ح.پ صدری – رئد.) ایله داوام ائد‌جک. دوشونورم کی، بازار ائرته‌سی جمهوریت خالق پارتییاسی، آ.ک.پ و تورکیه بویوک ملت مجلسینده تمثیل اولونان بوتون پارتییالاری زیارت ائدجییک. نماینده هیئتی اولاراق بوتون سفرلردن سونرا گئنیش آچیقلاما وئرجییک. بوگونکی گؤروش یاخشی کئچدی، امیدلییک».

قید ائدک کی، بیر نئچه گون اول تورکیه‌نین دئم پارتییاسینین ملت وکیللری سیری ثریا اؤندر و پروین بولدان ایمرالی حبسخاناسیندا پ.ک.ک لیدری عبدالله اؤجالانلا گؤروشوب. گؤروشدن سونرا دئم پارتییاسی اؤجالانین فکرلرینی آچیقلامیشدی.