یانوارین ۲۱-ده مسکوادا روسیا خاریجی ایشلر ناظری سرگئی لاوروولا ارمنستان‌لی همکاری آرارات میرزویان آراسیندا کئچیریلن گؤروشده بیر سیرا واجب مقاملارا توخونولوب. بعضی مسئله‌لرده طرفلر آراسیندا فکر آیریلیقلاری اولوب.

Axar.az خبر وئریر کی، بونو ارمنستانین رسپوبلیکا نامینه پارتیاسینین خاریجی ایشلر کاتیبی، باش ناظر نیکول پاشینیانین آداملارینا یاخینلیغی ایله بیلینن آرنولد بلیان دئییب.

بلیانین سؤزلرینه گؤره، لاوروو مسکوادا ایروانی زنگزورلا تهدید ائدیب:

«من‌ده اولان معلوماتا اساساً، گؤروشده روسیا طرفینین سونیکده (زنگزور – رئد.) کونسوللوق آچماسی و عمومی‌لیکده ارمنستان‌داکی دیپلماتیک نماینده‌لیکلرین گئنیش‌لندیریلمه‌سی تکلیف اولونوب. لاکین میرزویان هر ایکی تکلیفه اعتراض ائدیب و بینمه‌دیینی بیلدیریب. ایروان رسمی شکیلده تکلیفلری رد ائدیب. دئییبلر کی، زنگزورون روسلاشماسی ارمنیلره لازیم دئییل، اورادا نه قدر آز روس اولارسا، او قدر یاخشی‌دیر. لاوروو ایسه بیلدیریب کی، زنگزور ارمنستانین ترکیبینده قالماسا، بو، اؤلکه‌نین سونو اولاجاق.

روسیانین آداملاری تئز-تئز اؤلکه‌میزده ۲۰۲۰-جی ایلده امضالانان اوچطرف‌لی سازشین متنی، خصوصیله ده دهلیزله باغلی ۹-جو بندین اجراسینی طلب ائد‌ن چیخیشلار سسلندیریرلر. اگر باکی ایلکین شرط قویوبسا، بیز ده آنالوژی آددیم آتمالی و مسئله‌نی پارلامنت‌ده مذاکیره‌یه چیخارمالیییق».