اصلین‌ده بشار اسد رژیمی ۱۰ ایل اول دئوریلملیدی. سوریا خالقی آیاغا قالخمیش، مخالف سلاحلیلار دمشقه یاخینلاشمیشدیلار. اسد تعجیلی مسکوایا گئتدی، روسیالی همکاری پوتینه یالواردی، دستک ایسته‌دی. پوتین امر وئردی، روسیا طیاره‌لری مخالف قوه‌لرین مؤقعلرینی بمبالاماغا باشلادیلار، سوریادا ایکینجی حربی بازا یاراتدی، «واقئر» موزدلولارینی بو اؤلکه‌یه گؤندردی. عدالت نامینه اونو دا دئیک کی، روسیا او دؤنم‌ده سوریادا ترورچی ایشید-این ده مؤقعلرینی بمبالایردی. آنجاق بو بمبالانما زمانی شهرلر داغیلیر، مولکی انسانلار دا هلاک اولوردو. بونلار نیین نامینه باش وئردی، اونسوز دا بشار اسد دئوریلدی.

Axar.az خبر وئریر کی، بو سؤزلری پولیتولوگ الخان شاهینوغلو قید ائدیب.

او بیلدیریب کی، روسیا اسدین اوستوندن خط چکدیکدن سونرا دمشقه ایلک نماینده هیئتینی گؤندریب:

«روسیا خاریجی ایشلر ناظرینین معاوینی میخایل بوقدانوو دمشق‌ده سوریانین یئنی لیدری احمد شارا ایله گؤروشوب. دمشق هله کی، روسیانین سوریاداکی حربی دنیز لیمانینین فعالیتینین علیهینه دئییل، آنجاق ایکی طلبی وار: بیرینجی‌سی، روسیا سورییادا یاراتدیغی داغینتیلارا گؤره تظمینات اؤد‌مه‌لی، ایکینجی‌سی، اسد و اونون یاخین اطرافینی اکسترادیسیاسا ائتمه‌لیدیر. دمشق بو طلبلرینده حاقلی‌دیر، ساده‌جه کرئمل بونلاری یئرینه یئتیرمه‌یه‌جک. تصادفی دئییل کی، کرئمل دمشقین طلبلرینی جواب وئرمکدن یایینیب.

دهشت‌دیر، سوریا و اوکراینانی بمبالاییر، هر ایکی اؤلکه‌ده ملکی انسانلاری اؤلدورور، آذربایجانا مخصوص سرنیشین طیاره‌سینی راکتله وورور، وطنداشلاریمیز هلاک اولور و بوتون بونلارا گؤره مسئولیتدن یایینماغا چالیشیر».