اسرائیلین باش ناظیری بنیامین نتانیاهو آتشکس راضیلاشماسینین نوبتی مرحله‌لرینده غزه زولاغیندا گیروولارین قیرمیزی خاچ کمیته‌سینه تهلوکه‌سیز تحویل وئریلمه‌سینه ضمانت وئریلنه قدر فلسطینلی محبوسلارین آزاد ائدیلمه‌سینی تاخیره سالماغی امر ائدیب.

Axar.az خبر وئریر کی، بونونلا باغلی اسرائیل باش ناظیرینین اوفیسی بیانات یاییب.

«باش ناظیر بنیامین نتانیاهو بو گون گونورتادان سونرا مدافعه ناظیری اسرائیل کاتز ایله بیرلیکده آزاد ائدیلمه‌سی پلانلاشدیریلان ترورچولارین بوراخیلماسینین نوبتی مرحله‌لرده گیروولاریمیزین تهلوکه‌سیز چیخیشی تامین اولونانا قدر تاخیره سالینماسی باره‌ده گؤستریش وئریب. اسرائیل طلب ائدیر کی، واسطه‌چیلر بو مسئله‌یه باخسینلار»، - بیاناتدا دئییلیر.