اسرائیلین باش ناظیری بنیامین نتانیاهو آمریکا پرزیدنتی دونالد ترامپلا دانیشیقلار زمانی اونو غزه‌ده حماس حرکاتینا قارشی حربی عملیاتلارین داوام ائتدیریلمه‌سی پلانلارینی تصدیقله‌مه‌سینه چالیشاجاق.

Axar.az خبر وئریر کی، بو باره‌ده "آخیوس" منبع‌لرینه استنادن معلومات یاییب.

"قرار وئرمزدن اول نتانیاهو ترامپین دائمی آتشکس و اسرائیل قوشونلارینین غزه‌دن تمامیله چیخاریلماسی ایله نتیجه‌لنه‌جک راضیلاشمانین ایکینجی فازاسی ایله باغلی نه دوشوندویونو بیلمک ایستییر. نتانیاهو امید ائدیر کی، او، ترامپین دوشونجه‌سینه تأثیر گؤستره و اونو غزه‌ده محاربه ایله باغلی پلانلارینی تصدیقله‌مه‌یه ایناندیرا بیله‌جک. باش ناظیر راضیلاشمانین ایکینجی مرحله‌سینه کئچمه‌مک قرارینا گلسه، بو، غزه‌ده حماس-ی دئویرمک اوچون محاربه‌نین ان آزی بیر ایل اوزانماسینا سبب اولا بیلر. راضیلاشمانین ایکینجی مرحله‌سی اوزره دانیشیقلار سازشده نظرده توتولدوغو کیمی بازار ائرته‌سی باشلامایاجاق، چونکی نتانیاهو ترامپلا گؤروشوندن اول دوحه-یه دانیشیقلار گروپونو گؤندرمه‌مک قرارینا گلیب"،- منبع بیلدیریب.