روسیا خارجی ایشلر ناظیرلیی رسمی‌سی ماریا زاخارووا ارمنیستانین باش ناظیری نیکول پاشینیانین «ارمنی سویقیریمی» ایله باغلی آچیقلامالارینا مناسبت بیلدیریب.

Axar.az خبر وئریر کی، او، بریفینگ زمانی بو موضوعدا اونا عنوانلانان سوالی جوابلاندیریب.

«گؤزله‌میردیم کی، بو مسئله‌یه هم ارمنیستان دولتینین، هم ارمنیستان خالقینین، هم ده بیر ائتنیک گروپ کیمی ارمنیلرین تاریخاً فورمالاشان کونسنسوس موقعییندن فرقلی یاناشیلاجاق.

دوشونمزدیم کی، ایللر عرضینده فورمالاشان بو محکم مؤقع ارمنی جمعیتینین اؤز داخلینده هانسی‌سا دییشیکلییه معروض قالاجاق. مثال اوچون، ائله سون فکرلر. داووسداکی بیاناتلاردان دانیشیرام. اما یئنه دئییرم، بو سوال بیزه عنوانلانمامالیدیر. بیزیم موقعییمیز دولت دوماسینین موافق بیاناتیندا اؤز عکسینی تاپیب. بو مسئله ایله باغلی موقعییمیز دییشمه‌ییب»، – دئیه زاخارووا قید ائدیب.