آمریکا پرزیدنتی دونالد ترامپ ایرانی بمبالامایاجاغینی و بو اؤلکه‌نین پرزیدنتی مسعود پزشکیانلا گؤروشه بیلجیینی سؤیله‌ییب. ترامپ دوغرو گئدیش ائدیب، او، بو آچیقلاماسییلا ایران‌دا فکر اختلافینی درینلشدیریب.

Axar.az خبر وئریر کی، بو سؤزلری پولیتولوگ الخان شاهین اوغلو قید ائدیب.

«ایرانین فاکتیکی صاحبی علی خامنه‌ای درحال آچیقلاما وئریب کی، آمریکا ایله هئچ بیر راضیلاشمایا گئتمک دوزگون دئییل. بونونلا خامنه‌ای پزشکیانا خبردارلیق مئساژی گؤندریب. حالبوکی مسعود پزشکیان نیترال اراضی‌ده ترامپلا گؤروشدن امتناء ائتمز»، - او بیلدیریب.

پولیتولوگ خاطرلادیب کی، ترامپین روسیالی همکاری ولادیمیر پوتینله تلفن صحبتی ده دوغرو گئدیشدیر:

«صحبتین تفرعاتی آچیقلانماسا دا، ترامپین پوتینه «محاربه‌نی دایاندیر» سؤزلرینی دئدیینی پروگنوزلاشدیرماق اولار. روسیانین سیاسی الیتا نماینده‌لری و سیراوی وطنداشلاری پوتینین قورخوسوندان دوشوندوکلرینی دئمه‌سه‌لر ده، بیر چوخو محاربه‌نین دایاندیریلماسینین لابد اولدوغونو آنلاییر و اونلارین اومیدی ترامپادیر».