ایران‌دا انرژی بحرانینین درینلشمه‌سی و باش‌دا تهران اولماقلا بیر سیرا شهرلرده الکتریک انرژی‌سینین کسیلمه‌سی سببین‌دن اعتراض آکسیالاری کئچیریلیب.

Axar.az خبر وئریر کی، بو باره‌ده خارجی و مخالفت مئدیاسی معلومات یاییب.

معلوماتا گؤره، اؤتن گئجه کهگلویه و بویر احمد ایالتینین دهدشت شهرینین مرکزی میدانینا توپلاشان اعتراضچیلار حکومت علیهینه شعارلار سسلندیریبلر.

""اؤلوم اولسون خامنه‌ای‌یه، "اؤلوم اولسون اسلام رسپوبلیکاسینا"، "بو ایل قیام ایلی‌دیر، سید علی‌نین دئوریلجیی ایلدیر" و باشقا بو کیمی شعارلار سسلندیره‌ن ناراضیلاردان ۲-ی قادین اولماقلا ۶ نفری حبس ائدیلیب.

تهلوکه‌سیزلیک مأمورلارینین حبس ائتدیی عاطفه طاهرنیا، جابر فروغی، کامران بوزری، امیر حسین جعفری و پویا براتی‌نین هارا آپاریلدیقلاری باره‌ده معلومات وئریلمه‌ییب، ساخلانیلان باشقا اعتراضچی قادینین ایسه کیملیینی هله‌لیک معینلشدیرمک ممکن اولماییب.

قید ائدک کی، بو دهدشت‌ده اوچونجو اعتراض آکسیاسی‌دیر و بوندان اول فورالین۱۱-ی گئجه ساعتلاریندا دا کئچیریلن آکسیادا داها ۴ نفر حبس ائدیلیب.